“E Vakabula na Karisito na Veika sa Kavoro,” Me iSakisaki ni iTabagone, Me 2022.
Soqoni ena Mataka ni Sigatabu
E Vakabula na Karisito na Veika sa Kavoro
Veitikina lavetaki
iTaba mai vei Mark Mabry
E rawa ni da vulica e levu na ka mai na ivolanikalou me baleta na sala ena vukei keda kina na noda iVakabula, o Jisu Karisito, meda sokota rawa na veika ena noda bula sa kavoro, se cava ga na noda yabaki ni bula. …
Ena gauna a veivakavulici tiko kina na iVakabula ena valetabu, a kau mai Vua e dua na marama mai vei ira na vunivola kei na Farisi. Eda sega ni kila na taucoko ni kena italanoa, ia e kilai ga ni “sa ia tiko na dautagane” [Joni 8:4]. …
Na ka a kaya na Karisito vei koya na luvena yalewa vakamareqeti ni Kalou oqo o ya “Au sa sega talega ni lewai iko mo cudruvi: mo lako, ka mo kakua ni valavala ca tale” [Joni 8:11]. E dua tale na sala me da kaya kina “mo lako, ka kakua tale ni ivalavala ca” e rawa me “lako yani ka veisau.” A sureti koya tiko na iVakabula me veivutuni. …
E vakavulica vei keda na Turaga ni da veivosoti sa dua na ivakaro raraba: “Ia koi au na Turaga au na vosoti ira ga kau sa lewa, ia koi kemudou sa kilikili mo dou vosota na tamata kecega” [Vunau kei na Veiyalayalati 64:10]. …
Ena vuqa na gauna eda rawa ni kunei keda, me vaka na daukerekere lokiloki ena matamata ni valetabu, e vosota—se so na gauna e vosota vakadredre me—“waraka [tiko] na Turaga” [Aisea 40:31]. …
Na cakacakataki ni vakabauti Karisito e kena ibalebale na vakararavi sega walega ena lewa ni Kalou ia ena Nona gauna talega. Sa kila tu o Koya na veika eda gadreva kei na gauna eda gadreva kina. …
… E sega ni dua na ka ena nomu bula e kavoro ka sega ni uabaleta na kaukauwa veivakabulai, veivueti, ka veivakaukauwataki i Jisu Karisito.