“Tuʻu Maʻu ʻi he Ngaahi ʻAhiʻahí,” Ki Hono Fakamālohia ʻo e Toʻu Tupú, Mē 2022.
Fakataha ʻo e Pongipongi Tokonakí
Tuʻu Maʻu ʻi he Ngaahi ʻAhiʻahí
Ngaahi Konga Fakamatala
Ko kitautolu ko ia ʻoku tokanga kiate kitautolu mo kinautolu ʻoku tau ʻofa aí, ʻoku ʻi ai ha ʻamanaki lelei mei he talaʻofa mei he ʻOtuá ki ha feituʻu ne ngaohi ʻoku malu mei he ngaahi ʻahiʻahi ʻe hoko maí. …
ʻOku ʻaonga ki hotau kuongá mo kitautolu e ngaahi lea fakaepalōfita ʻa e Tuʻi ko Penisimaní. …
Naʻá ne fakaafeʻi ʻa hono kakaí mo kitautolu ke tau langa ʻi he maka pē ko ia ʻe taha ʻoku pau mo malú, ʻa ia ko e Fakamoʻuí. Naʻá ne fakamahino ʻoku tau tauʻatāina ke fili ki he leleí pe ko e koví ka ʻoku ʻikai ke tau lava ʻo hao mei he ngaahi nunuʻa ʻo ʻetau ngaahi filí. …
ʻOku liliu hotau ʻulungāngá ke hoko ko ha tamasiʻi siʻi, ʻo talangofua mo ʻofa lahi ange ki he ʻOtuá. ʻOku hanga ʻe he liliu ko iá ʻo fakafeʻungaʻi kitautolu ke tau maʻu e ngaahi meʻafoaki ʻoku maʻu mei he Laumālie Māʻoniʻoní. ʻE fakafiemālieʻi, tataki, mo fakamālohia kitautolu ʻi he takaua ʻo e Laumālie Māʻoniʻoní.
Te ke lava ʻo tuʻu maʻu he taimi ʻoku hoko mai ai e ngaahi faingataʻa ʻi he moʻuí, koeʻuhí he ʻoku fakavaʻe hoʻo fakamoʻoní mo hoʻo tuí ʻia Sīsū Kalaisi. ʻE tākiekina koe ʻe he tui ko iá ki he fakatomala fakaʻaho mo hono tauhi maʻu pē ʻa e fuakavá. Pea te ke manatuʻi maʻu pē Ia. Pea ʻi he ngaahi faingataʻa ʻo e fehiʻanekiná mo e angakoví, te ke ongoʻi malu pē mo maʻu ha ʻamanaki lelei. …
… ʻO hangē ha tamasiʻi siʻi ʻoku angavaivai mo ʻofa, ʻo tali ʻEne tokoní. Fakahoko mo tauhi e ngaahi fuakava ʻokú Ne ʻomai ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Te nau fakamālohia koe. ʻOku ʻafioʻi ʻe he Fakamoʻuí ʻa e ngaahi faingataʻá mo e ngaahi feituʻu malu ʻi he hala ke foki ai ki ʻapi kiate Ia mo ʻetau Tamai Hēvaní. ʻOkú Ne ʻafioʻi ʻa e halá. Ko Ia ʻa e Halá.