“ʻOfa, Vahevahe, Fakaafe,” Ki Hono Fakamālohia ʻo e Toʻu Tupú, Mē 2022.
Fakataha ʻo e Pongipongi Sāpaté
‘Ofa, Vahevahe, Fakaafe
Ngaahi Konga Fakamatala
Ne fakahoko ʻe he kāingalotu ʻi he kamata mai ʻa e Siasí, mei he mēmipa foʻou tahá ki he fuoloa tahá, ʻa e fekau maʻongoʻonga ʻa e Fakamoʻuí, ke vahevahe ʻa e ongoongo fakafiefia ʻo e ongoongoleleí mo kinautolu ne nau felōngoaki mo maheni mo iá. …
ʻI heʻetau hoko foki ko e kau ākonga ʻa Kalaisí, ʻoku fakaafeʻi kitautolu ke tau tokanga ki Heʻene fekau ʻi he ʻaho ní. …
… ʻOku tau fakamālō, ʻe lava ke fakahoko ʻa e fekau maʻongoʻonga ʻa e Fakamoʻuí ʻo fakafou ʻi he ngaahi tefitoʻi moʻoni faingofua, mo mahinongofua kuo akoʻi kiate kitautolu takitaha talu mei heʻetau kei īkí, ʻa ia ko e: ʻofá, vahevahé, mo e fakaafé. …
Ko e ʻuluaki meʻa te tau lava ʻo faí ko e ʻofa ʻo hangē ko e ʻofa ʻa e ʻOtuá. …
ʻOku tau malangaʻi atu ʻa e ongoongoleleí ʻi he taimi kotoa pē ʻoku tau fakahaaʻi ai ʻa e ʻofa faka-Kalaisí ki hotau kaungāʻapí—neongo kapau ʻoku ʻikai ke tau puʻaki ha foʻi lea ʻe taha. …
ʻOku moʻoni, ko ʻetau ʻamanakí, te nau tali ʻetau ʻofá mo ʻetau pōpoakí, neongo ʻoku ʻikai ke tau puleʻi ʻa e founga ʻoku nau tali aí. …
Ko e meʻa hono ua te tau lava ke faí ko e vahevahé. …
ʻOku tau vahevahe kotoa ha ngaahi meʻa mo e niʻihi kehé. …
Te tau tānaki fēfē atu ki he ngaahi meʻa kuo tau ʻosi vahevahe fekauʻaki mo e meʻa ʻoku tau ʻofa ai ʻi he ongoongolelei ʻo Sīsū Kalaisí? …
Ko e meʻa hono tolu te ke lava ʻo faí ko e fakaafé. …
ʻOku laungeau ʻa e ngaahi fakaafe te tau lava ke fakaaʻu atu ki he niʻihi kehé. Te tau lava ʻo fakaafeʻi ʻa e niʻihi kehé ke nau “haʻu ʻo mamata.” …
ʻOku ou fakaafeʻi atu koe ke ke fakakaukauʻi ha ngaahi founga te ke lava ai ʻo ʻofa, vahevahe, mo fakaafé. ʻI hoʻo fai iá, te ke ongoʻi ha fiefia lahi ʻi hoʻo ʻiloʻi ʻokú ke talangofua ki he ngaahi folofola ʻa hotau Fakamoʻuí.