“ʻOku ʻI Ai Hotau Hisitōlia Takitaha,” Ki Hono Fakamālohia ʻo e Toʻu Tupú, Mē 2022.
Fakataha ʻo e Hoʻatā Tokonakí
ʻOku ʻI Ai Hotau Hisitōlia Takitaha
Ngaahi Konga Fakamatala
Kaungāmeʻa, ngaahi tokoua mo e tuofāfine, ʻoku ʻi ai hotau hisitōlia takitaha. ʻI heʻetau ʻilo hotau hisitōlia fakafāmilí, ʻoku tau fehokotaki, ʻoku tau kau, ʻoku tau hoko ai ko ha fāmili. …
ʻOkú ke ʻiloʻi nai ho hisitōliá? …
… Fakafehokotaki e ngaahi hingoa fakafāmili ʻokú ke manatuʻí mo e ngaahi hingoa ʻe 10 piliona ʻoku malava ke fekumi ki ai he taimí ni ʻi he ʻinitanetí ʻi he FamilySearch pea mo e kakai ʻe 1.3 piliona ʻi heʻene ʻAkau Fakafāmilí.…
… ʻOku tau fakalāngilangiʻi ʻetau ngaahi kuí ʻaki ʻetau fakaava ʻa e ngaahi langí ʻo fakafou ʻi he ngāue fakatemipalé mo e hisitōlia fakafāmilí pea mo ʻetau hoko ko ha fehokotakiʻanga mālohi ʻi he sēini ʻo hotau toʻu tangatá. …
ʻE lava ʻe he fehokotaki mo hotau ngaahi kuí ʻo liliu ʻetau moʻuí ʻi ha ngaahi founga fakaofo. Te tau maʻu ʻa e tuí mo e ivi mālohí mei honau ngaahi faingataʻaʻiá mo e lavameʻá. Te tau ako mei heʻenau ʻofá mo e ngaahi feilaulaú ke faʻa fakamolemole mo laka ki muʻa. …
… ʻOku hanga ʻe he ngāue tokoni taʻesiokita ʻi he temipalé maʻá e kāinga ʻofeiná ʻo ʻai ke moʻoni e Fakalelei ʻa hotau Fakamoʻuí kiate kinautolu pea mo kitautolu. ʻI hono fakamāʻoniʻoniʻi kitautolú, te tau lava ʻo toe foki hake ki he ʻao ʻo e ʻOtuá ko ha ngaahi fāmili kuo fakatahaʻi ʻo taʻengata. …
Ko e hā ha meʻa te tau lava ke fai he taimí ni? …
… Tānaki honau ʻū taá mo e ngaahi talanoá; ʻai ke moʻoni ʻenau ngaahi manatu melié. Lekooti honau hingoá, ngaahi aʻusiá, ngaahi ʻaho mahuʻingá. Ko ho fāmilí ʻa kinautolu—ko e fāmili ia ʻokú ke maʻú mo e fāmili ia ʻokú ke fie maʻú. …
Uá, ʻai ke ke loto-ʻaki mo fakahoko taʻefakakounaʻi e ngāue ki he hisitōlia fakafāmilí. …
Tolú, ʻaʻahi ki he FamilySearch.org. Download ʻa e app ʻoku ala maʻú. …
Faá, tokoni ke fakatahaʻi e ngaahi fāmilí ke taʻengata. …
ʻOku ʻi ai hotau hisitōlia takitaha. Haʻu ʻo fekumi ki hoʻoú. Haʻu ʻo ʻilo ho leʻó, ko hoʻo hivá, mo hoʻo fetaiakí ʻiate Ia.