“Ngaahi Lēsoni ʻi he Vaitupú,” Ki Hono Fakamālohia ʻo e Toʻu Tupú, Mē 2022.
Fakataha ʻa e Houʻeiki Fafiné
Ngaahi Lēsoni ʻi he Vaitupú
Ngaahi Konga Fakamatala
ʻOku ou fie vahevahe mo kimoutolu ha lēsoni ʻe tolu ʻoku ou ako ʻi he hokohoko atu ʻeku inu mei Heʻene vaitupu ʻo e “vai moʻuí” [Sione 4:10].
ʻUluaki: ʻOku ʻIkai ke Puleʻi ʻe Hotau Ngaahi Tūkunga ʻi he Kuohilí mo e Lolotongá ʻa Hotau Kahaʻú …
Fakakaukau ki he fefine ʻi he veʻe vaitupú. …
Naʻá ne hoko ko ha fakamoʻoni mālohi, ʻo ne talaki kiate kinautolu ʻi hono koló ko Sīsū ʻa e Kalaisí. “Pea naʻe tui kiate ia ʻa e tokolahi ʻo e kakai Samēlia ʻi he kolo ko iá, ko e meʻa ʻi he lea ʻa e fefiné” [Sione 4:39].
Naʻe ʻikai puleʻi ʻe hono ngaahi tūkunga ʻi he kuohilí mo e lolotongá ʻa hono kahaʻú. Hangē ko [e fefiné ni], te tau lava ʻo fili ke tafoki ki he Fakamoʻuí he ʻahó ni, ke maʻu ʻa e mālohi mo e fakamoʻui te tau lava ai ʻo fakahoko ʻa e meʻa kotoa pē naʻe fekauʻi mai ai kitautolu ki heni ke fakahokó.
Uá: ʻOku ʻIate Kitautolu ʻa e Mālohí [Tokāteline mo e Ngaahi Fuakava 58:28] …
Siʻi ngaahi tokoua, ʻoku ʻiate kitautolu ha mālohi ke fakahoko ha māʻoniʻoni lahi! …
Tolú: “Pea ʻoku tupu mei he ngaahi meʻa īkí ʻa e ngaahi fuʻu meʻa lalahí” [Tokāteline mo e Ngaahi Fuakava 64:33] …
Siʻi ngaahi tokoua, ʻe malava ke liliu ha ngaahi loto pea faitāpuekina ha ngaahi moʻui ʻi heʻetau foaki atu ha kiʻi meʻi māsima, meʻa fakatupu, mo ha huelo ʻo e māmá.
ʻOku ou fakamoʻoni ko e Fakamoʻuí ʻa e māsima ʻi heʻetau moʻuí, [ʻokú Ne] fakaafeʻi kitautolu ke tau ʻahiʻahiʻi ʻEne fiefiá mo ʻEne ʻofá. Ko Ia ʻa e meʻa fakatupú ʻi he taimi ʻoku faingataʻa ai ʻetau moʻuí, ʻokú Ne ʻomi kiate kitautolu ʻa e ʻamanaki leleí mo fua ʻetau ngaahi mafasiá ʻo fakafou ʻi Hono mālohi taʻe mafakatatauá mo ʻEne ʻofa huhuʻí. Ko Ia ʻetau māmá, ʻokú Ne fakamaama hotau hala foki ki ʻapí.