“Ofo ʻia Kalaisi mo ʻEne Ongoongoleleí,” Ki Hono Fakamālohia ʻo e Toʻu Tupú, Mē 2022.
Fakataha ʻo e Hoʻatā Sāpaté
Ofo ʻia Kalaisi mo ʻEne Ongoongoleleí
Ngaahi Konga Fakamatala
Kuó u fakakaukauloto ki he ofo fakalaumālie lahi ange te tau lava mo totonu ke tau ongoʻi ki he ongoongolelei ʻo Sīsū Kalaisí mo e meʻa makehe ʻokú ne lava ʻo fakahoko ki hotau tuʻunga fakaākongá pea mo ʻetau fononga ki he moʻui taʻengatá. …
… Ko e konga mahuʻinga taha ʻo ʻetau feinga ʻi he fonongá ni ko e ongo fekau lahí: ke ʻofa ki he ʻEikí ko hotau ʻOtuá pea ʻofa ki hotau kaungāʻapí ʻo hangē pē ko kitautolú. …
… Ko ia ai, ʻi heʻetau tukupā moʻoni ke sio kiate Ia pea ako mei Heʻene sīpinga haohaoá, ʻoku tau ʻiloʻi lelei ange ai Ia. ʻOku tupulaki ʻetau vēkeveke mo e loto-holi ke fakakau ʻi heʻetau moʻuí ʻa e tuʻunga taupotu taha ke tau moʻui aí, ʻa e sīpinga ʻoku totonu ke tau taá, mo e ngaahi fekau ʻoku totonu ke tau muimui ki aí. …
Siʻoku ngaahi kaungāmeʻa ʻofeina, ʻoku fakamālohia ʻe he ngaahi meʻá ni kotoa ʻa ʻetau ofo fakalaumālie fekauʻaki mo e ongoongoleleí mo ueʻi kitautolu ke tau tauhi fiefia e ngaahi fuakava ʻoku tau fakahoko mo e ʻEikí—ʻo aʻu ki he lotolotonga ʻo e ngaahi faingataʻa mo e ngaahi pole ʻoku tau aʻusiá. …
… Siʻoku kāinga ʻofeina, ʻoku ou lotua te tau ofo maʻu pē ʻia Sīsū Kalaisi mo ʻEne ʻofa līʻoa, taʻefakangatangata, mo haohaoá. Fakatauange ʻe hanga ʻe heʻetau manatu ki he meʻa kuo tau mātā, mo ongoʻi ʻi hotau lotó, ʻo fakalahi ʻetau ofo ʻi he feilaulau fakalelei ʻa e Fakamoʻuí, ʻa ia ʻe lava ʻo fakamoʻui ai kitautolu mei he ngaahi kafo fakalaumālie mo fakaelotó pea tokoni ke tau ʻunuʻunu ofi ange ai kiate Ia.