“Ko Ho Natula Faka-ʻOtuá mo e Ikuʻanga Taʻengatá,” Ki Hono Fakamālohia ʻo e Toʻu Tupú, Mē 2022.
Fakataha ʻa e Houʻeiki Fafiné
Ko Ho Natula Faka-ʻOtuá mo e Ikuʻanga Taʻengatá
Ngaahi Konga Fakamatala
ʻOku mahuʻinga ki he kau finemuí ʻa e tokāteline mahuʻinga ʻoku akoʻi ʻi he kaveinga ʻo e Kau Finemuí, ka ʻoku ʻaonga ia ki he taha kotoa. …
… ʻUluakí, ko ha ʻofefine ʻofeina koe. He ʻikai liliu ia ʻe ha meʻa te ke fai—pe taʻe fai. ʻOku ʻofa ʻa e ʻOtuá ʻiate kimoutolu. …
Ko e moʻoni hono uá, ʻoku tau maʻu ha mātuʻa fakalangi, ko ha tamai mo ha faʻē. …
Ko e moʻoni hono tolu ʻi he ʻuluaki palakalafi ʻo e kaveinga ʻa e Kau Finemuí ko ʻetau maʻu “ha natula faka-ʻOtuá.” ʻOku mahuʻinga ʻeni ki hotau tuʻunga totonú. Ko e “faʻunga tupuʻanga” fakalaumālie ia ʻoku tau maʻu mei heʻetau mātuʻa fakalangí. …
Ko e foʻi moʻoni hono faá ko ʻetau maʻu ha “ikuʻanga taʻengata.” …
… ʻOku tau tauʻatāina ke fili, ka he ʻikai ke tau lava ʻo fili ʻa e ngaahi nunuʻa ʻo e ʻikai muimui ʻi he hala kuo fakahā maí. …
ʻI heʻetau fakatomala fakamātoató, he ʻikai kei tuʻu maʻu ha kafo fakalaumālie, neongo pe ko e hā kuo tau faí, ko e hā hono mamafá, pe tuʻo lahi ʻetau toutou fakahoko iá. Kapau te tau faʻa fakatomala pea fekumi ki ha fakamolemole ‘i he loto-moʻoni, ‘e fakamolemoleʻi ‘a kitautolu. …
… Ka neongo ia, ʻoku maʻu ʻa e mālohí ʻi he tui kia Sīsū Kalaisí pea mo hono fakahoko ʻo e ngaahi fuakava toputapú.
… ʻI heʻetau tauhi ʻetau ngaahi fuakavá, ʻoku tau maʻu ai e mālohi ʻo e ʻOtuá ʻi heʻetau moʻuí.
… ʻOku finangalo ʻetau Tamai Hēvaní ke ke hoko ko Hono ʻea-hokó pea maʻu ʻa e meʻa kotoa ʻokú Ne maʻú. He ʻikai ke Ne lava ʻo foaki atu ha toe meʻa lahi ange. He ʻikai ke Ne lava ʻo talaʻofa atu ha toe meʻa lahi ange. ʻOkú Ne ʻofa ʻiate koe ʻo lahi ange ʻi he meʻa ʻokú ke ʻiloʻí mo Ne finangalo ke ke fiefia ʻi he moʻuí ni pea ʻi he moʻui ka hoko maí.