“Naʻe Tāpuekina ʻEku Moʻuí ʻe he Ngāue Fakafaifekaú ʻo Taʻengata,” Ki Hono Fakamālohia ʻo e Toʻu Tupú, Mē 2022.
Fakataha ʻo e Pongipongi Tokonakí
Kuo Tāpuekina ʻe he Ngāue Fakafaifekaú ʻEku Moʻuí ʻo Taʻengata
Ngaahi Konga Fakamatala
ʻI heʻeku vakai ki hoku kuohilí, ʻoku ou lava ke sio ki ha ngaahi aʻusia pau ne hoko ai ha meʻa makehe matuʻaki mahuʻinga. Ko e taha ʻo e ngaahi aʻusia ko iá ko e hanga heʻeku ngāue fakafaifekau taimi kakato ʻi ʻIngilaní, ʻi heʻeku kei talavoú, ʻo tāpuekina ʻeku moʻuí mo tākiekina hoku ikuʻanga fakalaumālié. …
Ne teuteuʻi au heʻeku ngāue fakafaifekaú ke u hoko ko ha husepāniti, tamai, mo ha tangata pisinisi lavameʻa mo lelei ange. Naʻá ne toe teuteuʻi au ke u tokoni ki he ʻEikí mo Hono Siasí ʻi he toenga ʻo ʻeku moʻuí. …
ʻOku ʻafioʻi koe ʻe he ʻEikí. ʻI hoʻo ngāue fakafaifekaú, te ke aʻusia ha ngaahi meʻa te ne tokoniʻi koe ke ke ʻiloʻi lelei ange Ia. …
ʻI heʻeku hoko ko ha ʻAposetolo ʻa e ʻEiki ko Sīsū Kalaisí, ʻoku ou ui atu ai he taimí ni ki he kau talavoú—mo e kau finemui ʻoku mou loto ke ʻalu ʻo ngāue fakafaifekaú—ke mou kamata talanoa leva he taimí ni mo hoʻomou mātuʻá ki he ngāue fakafaifekaú. ʻOku ou toe fakaafeʻi atu ke ke talanoa mo ho kaungāmeʻá kau ki he ʻalu ʻo ngāue fakafaifekaú, pea kapau ʻoku kei veiveiua ha taha ho ngaahi kaungāmeʻá ki he ngāue fakafaifekaú, fakalotolahiʻi ke nau ʻalu ʻo talanoa mo ʻenau pīsopé.
Fakapapauʻi kiate koe mo e Tamai Hēvaní te ke ʻalu ʻo ngāue fakafaifekau pea mei he taimí ni ʻo faai atu, te ke feinga ke maʻa mo taau hoʻo fakaʻamú, tōʻonga moʻuí, mo e fakakaukaú. ʻOku ou fakaafeʻi atu ke ke maʻu ha fakamoʻoni mālohi ki he ongoongolelei ʻo Sīsū Kalaisi kuo fakafoki maí. …
ʻOku ou lotua kimoutolu kau talavou mo e kau finemui mo hoʻomou mātuʻá ke mou sio mo ʻiloʻi e founga ʻe tāpuekina ai ʻe he ngāue fakafaifekaú hoʻomou moʻuí ʻo taʻengata.