« ភ្ជាប់ » ដើម្បីកម្លាំងនៃយុវជន ខែ កក្កដា ឆ្នាំ ២០២២ ។
ភ្ជាប់
អាណា ជូលី អេ
អាយុ ១៧ ឆ្នាំ ទីក្រុងសៅ ប៉ូឡូ ប្រទេសប្រេស៊ីល
រូបថតដោយ លេអូណាដូ ខនស៊ីខាអូ ម៉ុតតា
ខ្ញុំរស់នៅក្នុងតំបន់ដែលអ៊ូអរបំផុតនៅក្នុងប្រទេសរបស់ខ្ញុំ ។ ខ្ញុំចូលចិត្តរស់នៅទីនេះ ហើយរកកន្លែងថ្មីៗជាច្រើនជាមួយគ្រួសាររបស់ខ្ញុំ ។ ខ្ញុំរស់នៅជាមួយឪពុកម្ដាយរបស់ខ្ញុំ ប្អូនស្រីរបស់ខ្ញុំ និងសត្វឆ្កែរបស់ខ្ញុំ ឈ្មោះថាមេហ្គិន ។ ខ្ញុំចូលចិត្តនៅជាមួយពួកគេណាស់ ។ យើងចូលចិត្តសើច ហើយព្យាយាមធ្វើអ្វីថ្មីៗ និងគួរឲ្យចាប់អារម្មណ៍ផ្សេងៗ ។ យើងចូលចិត្តអ្វីមួយដែលប្រសើរជាងអ្វីផ្សេងទៀត ប៉ុន្តែបទពិសោធន៍ទាំងនោះនៅជាប់នឹងយើងជានិច្ច ។
ខ្ញុំរៀនដល់ឆ្នាំចុងក្រោយហើយ ហើយខ្ញុំកំពុងត្រៀមខ្លួនសម្រាប់ប្រឡងបញ្ចប់ ។ ខ្ញុំភ័យខ្លះដែរ ប៉ុន្តែខ្ញុំទុកចិត្តលើព្រះអម្ចាស់ដើម្បីជួយខ្ញុំឲ្យឆ្លងកាត់វាបាន ។
ខ្ញុំចូលចិត្តទៅព្រះវិហាររៀងរាល់ថ្ងៃអាទិត្យ ។ មានមនុស្សវ័យក្មេងច្រើនណាស់នៅក្នុងវួដរបស់ខ្ញុំ ដូច្នេះរាល់សកម្មភាពទាំងឡាយគឺសប្បាយណាស់ ។ ពួកយុវវ័យដែលនៅជុំវិញខ្ញុំ ជួយខ្ញុំឲ្យនៅរឹងមាំក្នុងដំណឹងល្អ ។ ខ្ញុំអាចនិយាយថា ពួកគេមានសេចក្ដីជំនឿខ្លាំងណាស់ ។
ខ្ញុំកំពុងរៀបចំខ្លួនដើម្បីបម្រើបេសកកម្ម ។ ខ្ញុំចង់ចែកចាយដំណឹងល្អជាមួយនឹងមនុស្សដទៃ ដូចដែលពួកអ្នកផ្សព្វផ្សាយសាសនាបានធ្វើចំពោះគ្រួសារខ្ញុំដែរ ។ ខ្ញុំដឹងថា វានឹងផ្លាស់ប្ដូរជីវិតរបស់ពួកគេ និងខ្ញុំជារៀងរហូត ។ ខ្ញុំមានអំណរគុណដែលដឹងថា ខ្ញុំអាចមានគ្រួសារដ៏អស់កល្បជានិច្ច ។