« ជម្រើស » ដើម្បីកម្លាំងនៃយុវជន ខែ កក្កដា ឆ្នាំ ២០២២ ។
ចូរមកតាមខ្ញុំ
ជម្រើស
សួស្ដី បេន តើរបាយការណ៍សៀវភៅរបស់ឯងធ្វើរួចហើយឬនៅ ?
របាយការណ៍សៀវភៅ ស្អីគេ ?
ហ្នឹងហើយ អាមួយដែលផុតកំណត់ថ្ងៃស្អែកនោះអី !
អូ៎ ខ្ញុំភ្លេចឲ្យឈឹង !
កុំបារម្ភពីវាអី ។ ខ្ញុំទើបតែចម្លងរបាយការណ៍របស់ខ្ញុំចេញពីវិបសាយមួយ ។ វាងាយស្រួលណាស់ ! ឯងគួរធ្វើអញ្ចឹងដែរទៅ ។
តើខ្ញុំគួរចម្លងពីវិបសាយនេះទេ ? ខ្ញុំចង់បាននិទេ្ទសល្អ តែមានអ្វីម៉្យាង ធ្វើឲ្យមានអារម្មណ៍ថាវាមិនត្រឹមត្រូវចំពោះរឿងនេះ ។
សួស្ដី ប្អូន ។ តើយ៉ាងម៉េចហើយ ?
ខ្ញុំមានរបាយកាណ៍សៀវភៅដែលផុតកំណត់នៅថ្ងៃស្អែក តែខ្ញុំភ្លេចវាឲ្យឈឹង ។ ខ្ញុំចង់បាននិទ្ទេសល្អ តែខ្ញុំមិនគិតថាបាននិទ្ទេសល្អទេបើមិនលួចចម្លងនោះ ។ នេះគឺជាកិច្ចការផ្ទះដ៏ធំមួយផងដែរ ។ វាអាចទាញទម្លាក់និទ្ទេសចុងឆ្នាំសម្រាប់ថ្នាក់របស់ខ្ញុំផងដែរ !
ប្អូនដឹងទេ បងបានអានរឿងមួយកាលពីថ្ងៃមុន ដែលបងគិតថាប្រហែលជាអាចជួយប្អូនបាន ។ សាកអានមើលទៅ ។
ព្យាការីអេលីយ៉ានិយាយទៅកាន់បណ្ដាជននៃនគរអ៊ីស្រាអ៊ែលនៅលើភ្នំកើមែល ។ ស្តេច អ័ហាប់ និងពួកសង្ឈរបស់ទ្រង់បានដឹកនាំបណ្ដាជននៅក្នុងអំពើទុច្ចរិត ដោយសារពួកគេបណ្ដាលឲ្យបណ្ដាជនថ្វាយបង្គំព្រះក្លែងក្លាយហៅថា ព្រះបាល ។
« តើអ្នករាល់គ្នានៅតែស្ទាក់ស្ទើរនាកណ្ដាលផ្លូវទាំង២នេះដល់កាលណាទៀត បើព្រះយេហូវ៉ាទ្រង់ជាព្រះ នោះចូរដើរតាមទ្រង់ទៅ តែបើព្រះបាលជាព្រះវិញ នោះចូរប្រតិបត្តិតាមចុះ »( ពង្សាវតារក្សត្រទី១ ១៨:២១ ) ។
« បើព្រះយេហូវ៉ាទ្រង់ជាព្រះ នោះចូរដើរតាមទ្រង់ទៅ »… ខ្ញុំគិតថា ខ្ញុំដឹងថាត្រូវធ្វើយ៉ាងម៉េចហើយ ។
នៅថ្ងៃបន្ទាប់ ។
ខ្ញុំប្រហែលជាមិនបាននិទ្ទេសល្អបំផុតនោះទេ ។ ប៉ុន្តែខ្ញុំមានអារម្មណ៍ល្អដែលដឹងថា ខ្ញុំបានជ្រើសរើសធ្វើអ្វីដែលត្រឹមត្រូវ ។