Taludtod sa Taludtod

Umahon sa Bundok ng Panginoon

Sa Mga Awit 24, nalaman natin ang tunay na kahulugan ng tumayo sa mga banal na lugar.

Mga Awit 24:3–4

3 Sinong aakyat sa bundok ng Panginoon? o sinong tatayo sa kanyang dakong banal?

4 Siyang may malilinis na kamay at may pusong dalisay; na hindi nagtataas ng kanyang kaluluwa sa hindi totoo, at hindi sumusumpa na may panlilinlang.

pag-akyat

Umahon o umakyat.

bundok ng Panginoon

Sa mga banal na kasulatan, ang isang burol o bundok ay maaaring simbolo ng templo. Ang bundok ng Panginoon ay kumakatawan sa mas mataas na espirituwal na lugar kung saan maaari tayong mas mapalapit sa Diyos. Tayo ay “umaakyat sa bundok ng Panginoon” kapag naghahanda tayong pumasok sa templo at pagkatapos ay papasok dito.

malilinis na kamay at dalisay na puso

Malinis ang ating mga kamay kapag sinisikap nating mamuhay nang matwid at magsisi kapag nagkasala tayo. Dalisay ang ating puso kapag masigasig tayong nagsisikap na magkaroon ng mabubuting kaisipan at mabubuting hangarin.

itinaas ang kanyang kaluluwa tungo sa kapalaluan

Ang kayabangan ay labis na kapalaluan o paghanga sa sariling hitsura, mga kakayahan, o tagumpay. Sa halip na kayabangan, dapat nating sikaping maging mapagpakumbaba at disente sa ating sinasabi at suot at kung paano natin pinakikitunguhan ang iba.

sumusumpa na may panlilinlang

Dapat ay matapat ang taong “um[a]akyat sa bundok ng Panginoon.” Kailangan nating sikaping maging mga taong may integridad.