Kewa H.

11, New Zealand

Masaya akong naninirahan sa New Zealand, kung saan malapit ako sa aking mga kaibigan at kapamilya. Ang isang bagay na gustung-gusto kong ginagawa ay maglaro ng basketball at iba pang isports kasama ang aking mga kaibigan. Masaya sa New Zealand dahil maraming magagandang baybayin at bukirin na may mga baka at tupa.

Ipinapakita ko kay Jesus na mahal ko Siya kapag ako ay nagdarasal at nagbabasa ng mga banal na kasulatan at kapag ako ay gumagamit ng teknolohiya upang gumawa ng mabubuting bagay tulad ng pag-aaral ng higit pa tungkol sa Kanya. Kapag nagdarasal ako sa Ama sa Langit, alam kong naririnig Niya ako. Pinili kong magpabinyag upang mas mapalapit ako kay Jesus at mapasaakin ang Espiritu Santo upang tulungan ako. Kapag gumagawa ako ng mabubuting pagpili, makakasama ko ang Espiritu Santo.

Ang paglilingkod at pagtulong sa aking pamilya ay isa sa mga paraan na nasusunod ko si Cristo. Ang isang paraan na nakapaglilingkod ako sa aking pamilya ay sa pamamagitan ng paghahanda ng kanilang almusal at pakikipaglaro sa aking mga kapatid na babae. Tagasunod din ako ni Cristo kapag nagsisilbi akong mabuting halimbawa sa aking mga kaibigan sa pamamagitan ng paggamit ng mabubuting salita at pagtulong sa kanila na gumawa ng mabubuting pagpili. Palagi akong masaya sa pagsunod sa Tagapagligtas.