“Pagtabang sa mga Kabos ug sa mga Nagkalisod—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Pagtabang sa mga Kabos ug sa mga Nagkalisod
Mubo nga mga Kinutlo
Daghan nga kaayohan ug makitawhanon nga pag-alagad sa atong isigkatawo gitudlo ug gihimo sa Ang Simbahan ni Jesukristo sa mga Santos sa Ulahing mga Adlaw ug kanato nga mga miyembro niini. Sama pananglit, kita magpuasa sa unang Dominggo matag bulan ug motampo bisan lang sa katugbang sa wala magasto alang sa pagkaon aron itabang niadtong nanginahanglan diha sa atong kaugalingon nga mga kongregasyon. Ang Simbahan usab naghimo og dagko nga mga kontribusyon alang sa makitawhanon ug ubang mga serbisyo sa tibuok kalibotan.
Bisan pa sa tanang gibuhat sa atong Simbahan sa direktang paagi, kadaghanan sa makitawhanon nga serbisyo ngadto sa mga anak sa Dios sa tibuok kalibotan gihimo sa mga tawo ug sa mga organisasyon nga walay pormal nga koneksiyon sa atong Simbahan. …
Ang Simbahan ni Jesukristo mapasaligon alang sa pagserbisyo niadtong nanginahanglan, ug kini mapasaligon usab nga mokooperar sa uban niana nga paningkamot. …
Ang modernong pagpadayag nagtudlo nga ang atong Manluluwas, si Jesukristo, mao “ang tinuod nga kahayag nga nagdan-ag sa matag tawo nga moanhi sa kalibotan.” [Doktrina ug mga Pakigsaad 93:2]. Mao nga, ang tanan nga anak sa Dios nadan-agan aron sa pagserbisyo Kaniya ug sa usag usa sa pinakamaayo nga ilang nahibaloan ug abilidad. …
… Daghan pa kanato ang kinahanglan nga mopasidungog sa mga maayo nga gihimo sa uban ug sa pagsuporta niini kon may panahon kita ug may pamaagi sa paghimo sa ingon. …
Ako nagpamatuod kang Jesukristo, kansang kahayag ug Espiritu migiya sa tanan kanato sa pagtabang sa mga kabos ug nagkalisod sa tibuok kalibotan.