“Malungtaron nga Pagkadisipulo—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Malungtaron nga Pagkadisipulo
Mubo nga mga Kinutlo
Ang mga kasinatian sama sa mga komperensiya sa AKK, mga camp, mga miting sa sakramento, ug mga misyon makatabang sa pagpalig-on sa atong mga pagpamatuod, modala kanato latas sa espirituhanong paglambo ug sa espirituhanong pagdiskobre ngadto sa mga dapit nga adunay kalinaw. Apan unsa ang kinahanglang buhaton aron kita magpabilin didto ug “mopadayon sa unahan uban ang pagkamakanunayon kang Kristo” (2 Nephi 31:20) kay sa mohuyang ang pagpamatuod? Kita kinahanglan gayod mopadayon sa pagbuhat niadtong mga butang nga nagdala kanato didto una sa tanan, sama sa kanunayng pag-ampo, pagsubsob sa atong kaugalingon sa kasulatan, ug sinsero nga pagserbisyo. …
Atol sa AKK, pipila ka gatosan ug sobra pa sa atong kabatan-onan ang mas nakaila sa Manluluwas pinaagi sa paggamit og usa ka yanong pormula sa panag-uban diin duha o sobra pa nila ang nagpundok sa Iyang ngalan (tan-awa sa Mateo 18:20), gilambigit ang ebanghelo ug ang mga kasulatan, magdungan sa pagpanganta, magdungan sa pag-ampo, ug sa pagkaplag og kalinaw diha ni Kristo. Kini usa ka gamhanang paagi sa pagtabang sa mga kabatan-onan nga mobati og espirituhanong paglamdag. …
Ang lig-on nga kabatan-onan sa Zion naglawig sa matahom nga mga panahon. Ang pagkaplag og kalipay dinhi niining kalibotan sa gipanagna nga pagkabalda nga dili moapil niana nga kalibotan, uban sa kamapihigon niini ngadto sa pagkabalaan, mao ang ilang piho nga sugo. …
Ako nasayod nga pinaagi sa pagsalig sa Ginoo nga si Jesukristo ug sa Iyang dalan sa pakigsaad, kita makakaplag og espirituhanong pagsalig ug kalinaw kon kita moamuma sa balaan nga mga pamatasan ug matarong nga mga gimbuhaton nga makasustiner ug mopalig-on sa kalayo sa hugot nga pagtuo. Hinaot nga kita molihok nga mas maduol ngadto sa mga butang nga makapalig-on sa pagtuo, ug bisan unsay mahitabo, magpabilin.