“Kabilin sa Pagdasig—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Kabilin sa Pagdasig
Mubo nga mga Kinutlo
Sama sa giingon sa akong inahan kanako dihang mireklamo ko sa kalisod sa usa ka butang, “Ay, Hal, lisod gyod kana. Ingon ana gyod na. Ang kinabuhi usa ka pagsulay.”
Siya mosulti niana nga kalma, gani uban sa pahiyom, kay siya may nasayran nga duha ka butang. Bisan unsa ang gipanlimbasogan, ang labing importante mao nga makaabot pauli aron ikauban ang iyang Langitnong Amahan. Ug siya nasayod nga siya makahimo niini pinaagi sa iyang hugot nga pagtuo sa Manluluwas. …
Ang kabilin sa pagdasig nga iyang gibilin kanamo gihulagway sa mas maayong paagi diha sa Moroni 7, diin si Mormon midasig sa iyang anak nga si Moroni ug sa iyang katawhan. …
Siya mibutang og una kang Jesukristo, sama sa gibuhat sa tanan kinsa nagmalamposon sa pagdasig niadtong mga nanlimbasog sa pagtungas sa dalan ngadto sa ilang langitnong panimalay. …
Si Mormon nakakita sa kaaghop isip ebidensiya sa kalig-on sa ilang hugot nga pagtuo. …
Si Mormon dayon midasig nila pinaagi sa pagpamatuod nga sila padulong nang makadawat sa gasa sa ilang mga kasingkasing nga napuno sa tiunay nga gugma ni Kristo. …
Sa paglantaw og balik, akong nakita karon giunsa nianang gasa sa gugmang putli—sa tiunay nga gugma ni Kristo—sa paglig-on, paggiya, ug pag-usab sa akong inahan diha sa pagpanlimbasog sa iyang dalan pauli. …
… Ang Manluluwas nasayod sa detalye sa inyong mga panlimbasog. Siya nasayod sa inyong talagsaong potensyal sa pagtubo diha sa hugot nga pagtuo, paglaom, ug gugmang putli.
Ang mga sugo ug mga pakigsaad nga Iyang gitanyag kaninyo dili aron sulayan kamo sa pagkontrolar. Kini mga gasa nga mobayaw kaninyo aron madawat ang tanang gasa sa Dios ug makabalik sa panimalay ngadto sa inyong Langitnong Amahan ug sa Ginoo, kinsa nahigugma kaninyo.