“Ang Doktrina sa Pagkasakop—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Ang Doktrina sa Pagkasakop
Mubo nga mga Kinutlo
Gusto kong mamulong mahitungod sa unsay akong gitawag og ang doktrina sa pagkasakop sa Ang Simbahan ni Jesukristo sa mga Santos sa Ulahing mga Adlaw. …
… kita dili makatugot sa bisan unsang matang sa rasismo [racism], tribuhanong pagpihig, o uban pang pagkabahin-bahin nga motumaw diha sa ulahing adlaw nga Simbahan ni Kristo. …
Usa ka pagbati sa pagkasakop importante sa atong pisikal, mental, ug espirituwal nga kaayohan. Apan medyo posible nga usahay ang matag usa kanato tingali mobati nga kita walay labot. …
Atong itugyan ang paghukom diha sa mga kamot sa Ginoo ug niadtong Iyang gitahasan ug makontento sa paghigugma ug pagtratar sa usag usa sa labing maayo kutob sa atong mahimo. …
Ang ikaduhang bahin sa doktrina sa pagkasakop adunay kalabotan sa atong kaugalingong mga tampo. Bisan og kita panagsa ra nga maghunahuna bahin niini, kadaghanan sa atong pagkasakop naggikan sa atong pagserbisyo ug sa mga sakripisyo nga atong gihimo alang sa uban ug alang sa Ginoo. …
Ang kataposan ug labing importanteng elemento sa doktrina sa pagkasakop mao ang labing sentro nga tahas ni Jesukristo. Kita wala moapil sa Simbahan alang lamang sa pagpakigdait, ingon man importante kana. Kita mipasakop alang sa katubsanan pinaagi sa gugma ug grasya ni Jesukristo. Kita moapil sa pagseguro sa mga ordinansa sa kaluwasan ug kahimayaan alang sa atong kaugalingon ug niadtong atong minahal sa duha ka habig sa tabil. Kita moapil diha sa usa ka dakong proyekto sa pagtukod sa Zion agig pagpangandam alang sa pagbalik sa Ginoo.