“Mas Makakita Pa ni Jesukristo diha sa Atong mga Kinabuhi—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Mas Makakita Pa ni Jesukristo diha sa Atong mga Kinabuhi
Mubo nga mga Kinutlo
Aron sa pagtabang kanato nga magpabiling lig-on ug magpadulong diha sa hustong direksiyon, ang Manluluwas nagdapit kanato sa pagtan-aw sa atong mga kinabuhi pinaagi Kaniya aron mas makakita pa Kaniya diha sa atong mga kinabuhi. …
Isip sumusunod sa ebanghelyo sa una pa, nakasugat ko og daghan kinsa nakaobserbar ug nakamatikod sa mga kausaban sa akong mga kinaiya, mga binuhatan, ug mga pagpili human ko nagpasakop sa Simbahan. …
… Pinaagi sa hugot nga paningkamot sa pagtan-aw ngadto ug alang kang Jesukristo diha sa akong matag hunahuna ug buhat, ang akong mga mata nalamdagan, ug ang akong panabot nadasig sa pag-ila nga si Jesukristo nagtawag kanako sa “pagduol ngadto Kaniya.” …
Akong nakat-onan niadto, sama sa akong nahibaloan karon, nga ang atong Manluluwas, si Jesukristo, nagtultol sa atong mga tiil ngadto sa mga balay tigomanan kada semana sa pag-ambit sa Iyang sakramento, ngadto sa balay sa Ginoo sa paghimo og mga pakigsaad uban Kaniya, ngadto sa mga kasulatan ug mga pagtulon-an sa mga propeta aron makat-onan ang Iyang mga pulong. Siya naggiya sa atong mga ba-ba sa pagpamatuod Kaniya, ang atong mga kamot sa pagtabang ug pagserbisyo sama sa Iyang pagtabang ug pagserbisyo, ang atong mga mata sa pagtan-aw sa kalibotan ug sa usag usa sama sa Iyang pagtan-aw—“ingon nga sila gayod mao, ug … ingon nga sila gayod mahimo unya.” [Jacob 4:13]. Ug samtang kita motugot Kaniya sa paggiya kanato sa tanang mga butang, kita makadawat og pagpamatuod nga “ang tanan nga mga butang nagpakita nga adunay [usa ka] Dios,” [Alma 30:44], tungod kay kon kita mangita Kaniya kita makakaplag Kaniya.