“Kay Sayon ang Iyang Yugo ug Gaan ang Iyang Palas-anon—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Kay Sayon ang Iyang Yugo ug Gaan ang Iyang Palas-anon
Mubo nga mga Kinutlo
Daghan nga mga pakigpulong ang gihatag sa atong mga lider sa Simbahan bahin sa gugma nga putli, pagkahiusa, gugma, kamabination, kapuangod, pagpasaylo, ug kaluoy. Ako nagtuo nga ang Manluluwas nagdapit kanato sa pagpakabuhi og mas taas, mas balaan nga paagi—Iyang paagi sa gugma diin ang tanan makabati nga sila tinuod nga nahisakop ug gikinahanglan.
Kita gisugo sa paghigugma sa uban, dili mohukom kanila. Hunongon nato ang paghukom sa uban; dili kini atong responsibilidad. Hinuon, dawaton nato ang pagdapit sa Manluluwas sa pagsunod Kaniya sa pagpakita og gugma ug kapuangod. …
… Kadtong Iyang [gihikap] mibati sa Iyang gugma, ug kana nga gugma miayo ug miusab kanila. Ang Iyang gugma nakadasig kanila nga gusto nga mousab sa ilang mga kinabuhi. Ang pagpuyo sumala sa Iyang paagi makahatag og hingpit nga kalipay ug kalinaw, ug Siya midapit sa uban ngadto niana nga paagi sa pagpuyo uban ang kaligdong, kamabination, ug gugma. …
… Samtang kita hinay-hinay nga makat-on sa pagbuhat unsay Iyang gisugo kanato—dili tungod sa katungdanan o bisan sa mga panalangin nga tingali atong madawat apan tungod gayod sa gugma alang Kaniya ug sa atong Langitnong Amahan—ang Iyang gugma mabati sa uban pinaagi nato ug mohimo sa tanan nga Iyang gisugo dili lamang posible apan sa kataposan mas sayon ug mas gaan ug mas magmalipayon kay sa atong mahunahuna. …
… Ang tanan kinahanglan nga mobati nga sila gayod nahisakop ug nga gikinahanglan diha sa lawas ni Kristo. Ang dakong tinguha ni Satanas mao ang pagbahin sa mga anak sa Dios, ug siya nagmalamposon kaayo, apan adunay dakong gahom diha sa panaghiusa. Ug sa unsa nga paagi kita kinahanglan nga mosuporta sa usag usa niining mahagiton nga panaw sa pagkamortal!