“Karong Adlawa—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Karong Adlawa
Mubo nga mga Kinutlo
Ako nagkupot og kopya sa Basahon ni Mormon. Kini ang akong 1970 nga karaang edisyon, ug bililhon kini nako. Sa panagway niini karaan kini ug guba na, apan walay laing basahon nga ingon kaimportante sa akong kinabuhi ug sa akong pagpamatuod sama niini. Sa pagbasa niini, ako nakabaton og pagsaksi pinaagi sa Espiritu nga si Jesukristo mao ang Anak sa Dios, nga Siya mao ang akong Manluluwas, nga kini nga mga kasulatan mga pulong sa Dios, ug nga ang ebanghelyo gipahiuli. …
“Karong adlawa,” usa sa labing maayo nga mga misyonaryo nga ganahan sa Basahon ni Mormon mao si Presidente Russell M. Nelson. …
… Siya mihatag og mga kopya sa Basahon ni Mormon ngadto sa gatosan nga mga tawo, sa kanunay nagpamatuod sa iyang pagsaksi ni Jesukristo. …
Ang atong buhi nga propeta naghimo sa iyang bahin aron ipakatap sa yuta ang Basahon ni Mormon. Apan dili siya makahimo niini nga siya ra. Kita kinahanglang mosunod kaniya. …
… Ako modapit ninyo, karong adlawa, nga mohatag og Basahon ni Mormon ngadto sa inyong mga higala ug pamilya, mga kauban sa trabaho, sa inyong coach sa soccer, o sa tindero diha sa inyong merkado. Sila nagkinahanglan sa mga pulong sa Ginoo nga makita dinhi sa basahon. …
Ako mopamatuod nga pinaagi sa balaanong plano ang Basahon ni Mormon giandam sa karaang Amerika nga moabot aron sa pagpahayag sa pulong sa Dios, sa pagdala sa mga kalag ngadto ni Jesukristo ug sa Iyang gipahiuli nga ebanghelyo “karong adlawa.”