“Pag-alima ug Paghatag sa Inyong Pagpamatuod—Mubo nga mga Kinutlo,” Alang sa mga Kalig-on sa Kabatan-onan, Nob. 2022.
Pag-alima ug Paghatag sa Inyong Pagpamatuod
Mubo nga mga Kinutlo
Ako Ba Nasayod ug Nakasabot Unsa ang usa ka Pagpamatuod?
Ang inyong pagpamatuod mao ang labing bililhon nga kabtangan, sa kasagaran adunay kalabotan sa mainit nga espirituhanon nga mga pagbati. Kini nga mga pagbati sa kasagaran gipaabot sa hilom nga paagi ug gihulagway nga hinay, malumong tingog” [1 Mga Hari 19:12]. Kini mao ang inyong pagtuo o kahibalo sa kamatuoran, gihatag isip usa ka espirituhanon nga saksi pinaagi sa impluwensya sa Espiritu Santo. …
Ako Ba Nasayod Unsaon sa Paghatag sa Akong Pagpamatuod?
Kamo mohatag sa inyong pagpamatuod kon kamo mopaambit og espirituhanong mga pagbati ngadto sa uban. Isip usa ka miyembro sa Simbahan, ang mga oportunidad sa paghatag sa inyong gipamulong nga pagpamatuod moabot diha sa pormal nga mga miting sa Simbahan o sa dili kaayo pormal, sa tinagsa nga pakig-istorya sa pamilya, mga higala, ug sa uban.
Laing paagi sa inyong pagpaambit sa inyong pagpamatuod mao ang pinaagi sa matarong nga kinaiya. …
Ang mga miyembro sa Simbahan nagbarog isip mga saksi sa Dios sa tanan nga mga panahon, diha sa tanan nga mga butang, ug diha sa tanan nga mga dapit. Ang mga oportunidad sa paghimo niini diha sa internet gamit ang makadasig nga sulod sa atong kaugalingon o sa pagpaambit og makabayaw nga sulod nga giandam sa uban walay kataposan. …
Unsa ang mga Babag sa Pagpaambit sa Akong Pagpamatuod?
Ang mga babag sa pagpaambit sa inyong pagpamatuod mahimong maglakip sa walay kasegurohan sa unsay isulti. …
Laing babag … mao ang kahadlok. …
… Ang pagbaton og hugot nga pagtuo … makapahimo ninyo sa pagbuntog niini nga mga pagbati. …
Unsaon Nako nga Magpadayon ang Akong Pagpamatuod?
Ako nagtuo nga ang usa ka pagpamatuod importante nga bahin sa atong pagkatawo, apan, aron kini magpadayon ug kini mas hingpit nga molambo, si Alma mitudlo nga kita kinahanglan nga “moalima sa atong pagpamatuod uban ang dako nga pag-amping [tan-awa sa Alma 32:37]. …
Minahal kong mga kaigsoonan, ako mosaad nga samtang kamo hingpit nga makasabot unsa ang usa ka pagpamatuod, ug samtang kamo mopaambit niini, kamo mobuntog sa mga babag nga walay kasegurohan ug kahadlok, mohimo ninyo sa pag-amuma ug pagpadayon niining labing bililhon nga kabtangan, ang inyong pagpamatuod.