“Usa ka Sistema sa mga Lagda alang sa Personal nga Pagpadayag—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Usa ka Sistema sa mga Lagda alang sa Personal nga Pagpadayag
Mubo nga mga Kinutlo
Kinahanglan natong masabtan ang sistema sa mga lagda diin molihok ang Espiritu Santo aron sa paghatag og personal nga pagpadayag. …
Ang mga kasulatan nagporma sa unang elemento niini nga sistema sa mga lagda alang sa personal nga pagpadayag. Ang pagbusog sa mga pulong ni Kristo, sama sa makita diha sa mga kasulatan, makapaaghat og personal nga pagpadayag. …
Ang ikaduhang elemento sa sistema sa mga lagda mao nga kita makadawat lamang og personal nga pagpadayag alang sa atong kaugalingon ug sa atong mga responsibilidad ug dili alang sa uban. …
… Ang doktrina, mga sugo, ug mga pagpadayag alang sa Simbahan mao ang eksklusibo nga katungod sa buhi nga propeta, kinsa nagdawat niini gikan ni Ginoong Jesukristo. …
… Ang propeta lamang ang makadawat og pagpadayag alang sa tibuok Simbahan. …
Ang personal nga pagpadayag husto nga ilaha sa mga indibidwal. Kamo makadawat og pagpadayag, sama pananglit, mahitungod asa mopuyo, unsa nga dalan sa panarbaho ang sundon, o kinsa ang minyoan. …
Ang ikatulo nga elemento sa sistema sa mga lagda mao nga ang personal nga pagpadayag mahiuyon sa mga sugo sa Dios ug sa mga pakigsaad nga atong gihimo ngadto Kaniya. …
Kon mangayo kita og pagpadayag mahitungod sa usa ka butang diin gihatagan na sa Dios og klaro nga direksiyon, atong gibuksan ang atong kaugalingon sa sayop nga pagsabot sa atong mga pagbati ug sa pagkadungog sa unsay atong gusto nga madunggan. …
Ang ikaupat nga elemento sa sistema sa mga lagda mao ang pag-ila kon unsa ang personal nga gipadayag na sa Dios kaninyo, samtang magmahimong bukas sa dugang pa nga pagpadayag gikan Kaniya. …
… Ako nasayod nga ang Espiritu Santo mahimo ug mopakita kaninyo sa tanan nga mga butang nga kinahanglan ninyong buhaton.