“Magmatinud-anon ngadto sa Dios ug sa Iyang Buhat—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Magmatinud-anon ngadto sa Dios ug sa Iyang Buhat
Uruguay
Usa sa labing kusganon nga mga ehemplo diha sa mga kasulatan bahin sa mga kabalaka … mahitungod sa pagtinguha og pagpamatuod sa buhat sa Dios ug ni Jesukristo gihulagway diha sa tambag ni Alma ngadto sa iyang tulo ka anak nga lalaki—Helaman, Shiblon, ug Corianton. …
Ang unang gikabalak-an ni Alma … mao ang pagbaton sa matag usa og pagpamatuod kang Jesukristo ug magmatinuoron sa Dios ug sa Iyang buhat.
… Si Shiblon matarong, sama sa iyang igsoon nga si Helaman. Ang tambag nga akong gusto nga ipasabot og maayo mao ang Alma 38:12, diin ang ubang bahin mabasa nga, “Pagmatngon usab nga ikaw makapugong sa tanan nimo nga mga mainit nga pagbati, nga ikaw mapuno uban sa paghigugma.”
… Ang lawas dili daotan—matahom kini ug mahinungdanon—apan ang pipila ka mainit nga pagbati, kon dili gamiton sa hustong paagi ug sa tukmang pagpugong, makabulag kanato gikan sa Dios ug sa Iyang buhat ug dili maayo og epekto sa atong pagpamatuod. …
Dugang sa pagpugong sa kapungot ug pagpugong sa ubang mainit nga mga pagbati, kita kinahanglan nga mopasiugda og putli moral nga kinabuhi pinaagi sa pagkontrolar sa atong hunahuna, pinulongan ug mga buhat. …
Tungod kay si Corianton nalambigit sa imoralidad, gikinahanglan nga si Alma motudlo niya mahitungod sa paghinulsol. …
Busa ang tambag ni Alma aron makalikay mao ang pagpugong sa mainit nga mga pagbati, apan ang iyang tambag ngadto sa mga nakasala mao ang paghinulsol. …
Walay makabalik sa Dios pinaagi sa iyang kaugalingong mga buhat lamang; tanan kita nagkinahanglan sa benipisyo sa sakripisyo sa Manluluwas. Tanan nakasala, ug pinaagi lamang sa Pag-ula ni Jesukristo nga kita makaangkon og kaluoy ug makapuyo uban sa Dios.