“Malipayon ug Hangtod sa Hangtod—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Malipayon ug Hangtod sa Hangtod
Mubo nga mga Kinutlo
Ang tinuod, molahutay nga kalipay ug walay kataposang pakig-uban sa atong mga minahal mao gayod ang tuyo sa plano sa Dios sa kalipay. …
… Apan, walay usa nato nga hingpit, wala bisan kinsa nga pamilya. …
… Kita adunay dako kaayong oportunidad ug gasa sa pagdiskobre og bag-ong espirituwal nga panabot, gugma, paghinulsol, ug pagpasaylo sa usag usa ug sa atong mga pamilya, niini nga panahon ug sa kahangtoran. …
… Ang mahinungdanon sa plano sa Dios sa katubsanan ug kalipay, si Jesukristo, pinaagi sa Iyang Pag-ula, misaad nga hiusahon ang atong espiritu ug lawas, “dili na gayod [magbulag] pag-usab, [aron kita] makadawat og usa ka kahingpitan sa kalipay.” [Doktrina ug mga Pakigsaad 138:17].
… Ang Pag-ula—pag-ka-usa diha kang Kristo— … makadala og panag-uyon uban Niya ug sa usag usa.
… Ang Dios nakaila ug nahigugma kanato sa hingpit. …
… [Busa] didto sa kalibotan sa espiritu, bisan kadtong adunay sala ug kalapasan may oportunidad nga makahinulsol. …
… Ang Ginoo mihatag nato og balaang oportunidad nga mas mahisama Kaniya samtang kita motanyag nga mo-proxy sa makaluwas nga mga ordinansa sa templo nga gikinahanglan sa uban apan dili makahimo nga sila mismo. …
… Ang pagpaalim sa atong mga relasyon ug pag-ayo sa atong mga kasingkasing lisod, tingali imposible kanato kon kita ra ang mohimo. Apan ang langit makahatag nato ug kalig-on ug kaalam lapas sa atong kaugalingon aron masayod hangtod kanus-a nato pugngan, ug kanus-a nato buhian. …
… Hinaot nga magpaduol kita sa atong Manluluwas sa balaan nga balay sa Ginoo, ug hinaot nga Siya modala kanato paduol sa Dios ug sa usag usa samtang atong ibugkos ang atong mga kasingkasing diha sa hinatag ni Kristo nga kamanggiloy-on, kamatuoran, ug kalooy sa atong tanan nga henerasyon—niini nga panahon ug sa kahangtoran, malipayon ug hangtod sa hangtod. Diha kang Jesukristo, kini posible, diha kang Jesukristo, kini tinuod.