“Magpaduol ngadto sa Manluluwas—Mubo nga mga Kinutlo,” Alang sa Kalig-on sa mga Kabatan-onan, Nob. 2022.
Magpaduol ngadto sa Manluluwas
Mubo nga mga Kinutlo
Atong naamgohan nga samtang nagkagrabe ang kadaotan sa kalibotan, ang atong espirituhanong pagsugakod, ug ang espirituhanong pagsugakod niadtong atong gimahal, magkinahanglan nga mas hingpit natong amumahan, depensahan, ug palig-onon ang mga gamot sa atong hugot nga pagtuo diha ni Jesukristo. …
Sama sa ato na gayong nahibaloan, ang pagbaton og hugot nga pagtuo diha ni Jesukristo ug ang pagkahimong tinuod nga disipulo dili lang usa ka higayon nga desisyon—dili lang usa ka higayon nga panghitabo. Usa kini ka sagrado, nagpadayon nga proseso nga motubo ug molambo sa tibuok panahon sa atong kinabuhi, mopadayon hangtod nga kita moluhod sa Iyang tiilan.
Uban sa mga trigo nga motubo taliwala sa mga bunglayon dinhi sa kalibotan, sa unsang paagi nga atong mapalawman ug mapalig-on ang atong pasalig ngadto sa Manluluwas sa mga adlaw nga moabot?
Ania ang tulo ka hunahuna:
Una, atong isubsob ang atong kaugalingon sa mas hingpit nga paagi diha sa kinabuhi ni Jesus, sa Iyang mga pagtulon-an, Iyang kaharianon, Iyang gahom, ug Iyang sakripisyo sa pag-ula. …
Sunod, kon kita mas makaila ug mohigugma sa Manluluwas, kita mas magtinguha pa nga mosaad Kaniya sa atong pagdapit ug pagsalig. Kita naghimo og mga pakigsaad uban Kaniya. …
Ang paghimo ug pagtuman sa mga pakigsaad nagtugot sa gugma sa Manluluwas nga mas motuhop sa atong kasingkasing. …
Sa kataposan, ang akong ikatulong hunahuna: niining sagrado nga paningkamot, kita mohatag og bili, moprotekta, modepensa, ug mopanalipod sa gasa sa Espritu Santo. …
… Samtang inyong tugotan nga ang inyong gugma alang sa Manluluwas ug ang Iyang gugma alang ninyo motuhop sa inyong kasingkasing, ako mosaad nga kamo makabaton og dugang nga pagsalig, kalinaw, ug hingpit nga kalipay sa pagtubag sa mga hagit sa inyong kinabuhi.