“Ikonektar,” Alang sa Kalig-on sa mga Kabatan-onan, Dis. 2022.
Ikonektar
Svyataslava A.
15, Moscow, Russia
Litrato pinaagi ni Katerina Gracheva
Ang akong ngalan mao si Svyataslava, ug gikan ko sa Moscow, Russia.
Alang kanako, ang pag-ampo usa ka pakigsulti sa Langitnong Amahan. Kon ako mag-ampo, akong masulti Niya ang kabahin sa akong mga kabalaka ug mga kalipay. Makapasalamat ko Niya ug makapangayo Kaniya kabahin sa mga butang.
Usa ka adlaw, human makahuman sa pipila ka pagpuli nga buhat sa templo, miadto ko sa lawak hulatanan. Kasagaran naay daghang tawo didto, apan sa pagsulod nako sa lawak, kini walay tawo. Akong gigamit ang pribado, hilom nga higayon aron mag-ampo. Nagpasalamat ko sa Langitnong Amahan alang sa akong nahimong kasinatian. Nangamuyo ko Kaniya kabahin sa mga butang nga importante kanako. Sa kataposan sa akong pag-ampo, akong nahinumdoman ang akong lola sa tuhod, nga gikamingawan nako og maayo, ug nangayo ko sa Dios kon mahimo bang mabati nako ang iyang paggakos.
Sa dihang nahuman nako ang akong pag-ampo, ang akong higala misulod sa lawak ug migakos nako. Naghunahuna dayon ko sa akong lola sa tuhod ug nakahinumdom sa iyang mahigugmaong paggakos. Nagdungan kami og hilak samtang nabati namo ang Espiritu Santo. Kini mikompirmar kanako nga ang Ginoo naminaw ug nakaila kanako. Nasayod ko nga Siya buhi ug nahigugma nako.