“Ayaw Paglangay! Magmahimong Sama sa mga Magbalantay sa Karnero,” Alang sa Kalig-on sa mga Kabatan-onan, Dis. 2022.
Dali, Sunod Kanako
Ayaw Paglangay! Magmahimong Sama sa mga Magbalantay sa Karnero
Sa usa ka mingaw nga gabii dugay nga panahon na ang milabay, ang mga magbalantay sa karnero makugihong nagbantay sa ilang mga panon.
Ang mga magbalantay sa karnero adunay importante kaayo nga buluhaton. Ang karnero nagkinahanglan og pagkaon, tubig ug proteksiyon gikan sa kakuyaw.
Kalit lang, usa ka anghel ang nagpakita!
“Ayaw kamog kahadlok, kay ania, ako nagdalag maayong balita alang kaninyo nga makalipay. … Kay alang kaninyo natawo karon … ang Manluluwas, nga mao ang Kristo nga Ginoo.”
Ang anghel miingon sa mga magbalantay sa karnero nga ilang makit-an ang bata nga giputos og bakbak, naghigda sa usa ka pasongan didto sa Betlehem.
Usa ka koro sa mga anghel ang mipuno sa kalangitan ug miapil sa anghel sa pagdayeg sa Dios.
“Himaya sa Dios sa kalangitan, ug sa yuta panagdait sa mga tawo nga iyang gikahimut-an.”
“Mangadto kita sa Betlehem ug tan-awon unsa ang gipahibalo sa Ginoo kanato.”
Ang mga magbalantay sa karnero wala maglangay. Kini importante kaayo! Sila “miabot nga nagdali” ngadto sa Betlehem.
Nakit-an sa mga magbalantay sa karnero ang bata nga giputos sa bakbak, naghigda sa pasongan, sama gayod sa giingon sa anghel.
Kini mao ang gisaad nga Mesiyas kinsa miabot aron mahimong Manluluwas ug Manunubos sa kalibotan ug modala kanato og tinuod nga kalipay!
Ang mga magbalantay sa karnero mahinamon kaayo! Gipaambit nila ang unsay ilang nadungog ug nakita.
“Ang Manluluwas sa kalibotan natawo na!”
“Ang Mesiyas sa kataposan miabot na!”
Ang mga magbalantay sa karnero “nagdali og adto” ni Jesus. Mahimo usab ninyo!
Kamo makakat-on kabahin Kaniya.
Kamo makaserbisyo Kaniya pinaagi sa pagserbisyo sa uban.
Ikaw makapamatuod kabahin Kaniya.