“Kahayag sa Pasko,” Alang sa Kalig-on sa mga Kabatan-onan, Dis. 2022.
Kahayag sa Pasko
Ang atong mga kasaulogan sa Pasko magpahinumdom kanato nga si Jesukristo mao ang atong tinuod nga Kahayag.
Mga paghulagway pinaagi ni Christopher Thornock
Usa ka Kahayag nga Mogiya
Hain man ang bata nga natawo nga maoy mahimong hari sa mga Judio? kay nakita namo ang bituon didto sa sidlakan, ug mianhi kami aron pagsimba kaniya. …
… Nakita nila pag-usab ang bituon nga nakit-an nila sa sidlakan. Ug nag-una kini kanila hangtod nga miabot kini ug mihunong sa tungod gayod sa nahimutangan sa bata.
Dako kaayo ang ilang kalipay sa pagkakita nila sa bituon.
Ako ang mahayag nga bituon sa kabuntagon.
Usa ka Kahayag diha sa Kangitngit
Ang katawhan nga kaniadto naglakaw sa kangitngit nakakitag dakong kahayag: ang nagpuyo sa mangiob nga dapit gisidlakan na sa kahayag. …
Natawo alang kanato ang usa ka bata, gihatag kanato ang usa ka anak nga lalaki.
Diha sa [Pulong] ang kinabuhi; ug ang maong kinabuhi mao ang kahayag sa mga tawo.
Ug ang kahayag nagdan-ag diha sa kangitngit, ug wala makabuntog niini ang kangitngit. …
Ang matuod nga kahayag moanhi sa kalibotan aron ang tanan madan-agan sa kahayag.
Usa ka Kahayag ngadto sa Kalibotan
Mitungha kanila ang usa ka anghel sa Ginoo, ug ang himaya sa Ginoo misidlak libut kanila: ug giabot sila og dakong kalisang.
Ug ang anghel miingon kanila, Ayaw na kamo kalisang: kay, tan-awa, gidad-an ko kamog maayong balita sa dakong kalipay, nga magaabot sa tanang mga tawo.
Kay alang kaninyo natawo karon sa lungsod ni David ang Manluluwas, nga mao ang Kristo nga Ginoo.
Ako mao ang kahayag alang sa kalibotan: siya nga magasunod kanako dili gayod magalakaw sa kangitngit, ug magalabon sa kahayag nga magahatag og kinabuhi.