“Ko e Ngaahi Huafa ʻo Kalaisí,” Ki Hono Fakamālohia ʻo e Toʻutupú, Tīsema 2022.
Ko e Ngaahi Huafa ʻo Kalaisí
ʻOku lahi e ngaahi huafa ʻo e Fakamoʻuí kuo ʻai kiate Iá.
Ko ha niʻihi pē ʻeni ʻo e ngaahi huafa ko iá mo e meʻa ʻoku fakakaukau ki ai e toʻutupu he funga ʻo e māmaní—toʻutupu hangē ko koé:
ʻĀlifá mo e ʻŌmeká
Vakai, Fakahā 1:8.
“ʻOku ou saiʻia ʻi he ʻĀlifá mo e ʻŌmeká koeʻuhí he ko Ia ʻa e kamataʻanga mo e ngataʻanga ʻo ʻetau fonongá.”
Ko e Tauhisipi Leleí
Vakai, Sione 10:11–14.
“Te Ne hāʻele mai ʻo kumi au mo ʻiloʻi e taimi ʻoku ou hē aí, pea te Ne ʻofa maʻu pē ʻiate au.”
ʻEiki ʻo e Melinó
Vakai, ʻĪsaia 9:6.
“ʻOku fakamanatu mai ʻe he meʻá ni ʻa e fiemālie mo e nonga ke hiva ʻi he Palaimelí.”
“ʻE malava ke moveuveu ʻa e moʻuí, ka ʻokú Ne ʻi ai maʻu pē ke fakanonga ʻa e matangí.”
Fakamoʻui
Vakai, ʻĪsaia 43:11.
“Koeʻuhí ʻokú ne fakamanatu mai naʻá Ne fakahaofi au.”
“ʻOku fakamanatu mai ʻe he Fakamoʻuí tuʻunga ʻi Heʻene ʻofa maʻatautolu kotoá naʻá Ne hāʻele mai ki he māmaní pea feilaulauʻi Ia tuʻunga ʻi he ʻofa mo e talangofua.”
Fakafiemālieʻí mo e Fakatauʻatāinaʻí
Vakai, Saame 144:2; ʻĪsaia 49:13.
“ʻOkú Ne fakafiemālieʻi mo fakatauʻatāinaʻi kitautolu ʻi he taimi ʻo e pōpula fakatāutahá.”
“ʻOku ou fakatokangaʻi, ʻi he taimi pē ʻoku ou loto-hohaʻa aí, ʻoku tatali maʻu mai pē ʻa Sīsū Kalaisi ke u tafoki kiate Ia.”
Huhuʻí
Vakai, ʻĪsaia 47:4.
“ʻOkú Ne fakahoko ha meʻa lahi ke hiki hake au.”
“Naʻe huhuʻi au ʻe Heʻene ʻofá mo e ʻaloʻofá mei heʻeku ngaahi angahalá.”
“Kuó u fai ha ngaahi fehalaaki lahi ʻi heʻeku moʻuí, pea ʻoku ou ʻiloʻi te Ne lava ʻo huhuʻi au lolotonga ʻeku fakatomalá.”
Maama ʻo e Māmaní
Vakai, Sione 8:12.
“Ko ha maama tākiekina moʻoni Ia ʻi heʻeku moʻuí.”
Tangata ʻo e Ngaahi Mamahí
Vakai, ʻĪsaia 53:3.
“ʻOku mahino kakato kiate Ia hotau tūkungá. ʻOku ou houngaʻia ai.”
“ʻOku ʻikai ke u tuenoa ʻi heʻeku ngaahi mamahí.”
“ʻOku mahino moʻoni kiate Ia ʻa e meʻa ʻoku ou fouá.”
Maká
Vakai, Teutalōnome 32:4.
“Ko Ia hoku maká koeʻuhí ʻi he taimi pē ʻoku taʻefeʻunga ai ʻeku moʻuí, te u lava ʻo tafoki kiate Ia pea te Ne tokoniʻi au!”
“ʻOku fakamatalaʻi ʻe he maká ʻEne poupou kiate kitautolú mo fakamanatu mai kapau ko Ia hoku fakavaʻé he ʻikai te u tō.”
Hūfanga[ʻanga]
Vakai, Saame 91:2.
“Ko ia hoku hūfangaʻangá he ko Ia ʻa e meʻa ʻe taha ʻoku ou fuʻu fiemaʻú.”
Tuʻi ʻo e Ngaahi Tuʻi, ʻEiki ʻo e Ngaahi ʻEiki
Vakai, ʻĪsaia 9:6
“ʻE ʻi ai e ʻaho ʻe ʻiloʻi ai ʻe he tokotaha kotoa pē ko Ia ʻa e Tuʻi ki he ngaahi puleʻanga mo e kakai kotoa pē.”
ʻOtua ʻo ʻIsilelí
Vakai, 2 Samuela 23:3.
“ʻOku hoko ʻa e hingoa ʻIsilelí ko ha fakamanatu maʻu pē ke tuku ke langilangiʻia ʻa e ʻOtuá.”
ʻImanuela
Vakai, ʻĪsaia 7:14.
“ʻOku ʻuhinga ia ʻʻoku ʻiate kitautolu ʻa e ʻOtuá,’ pea ʻokú ne ʻomi ha nonga mo ha fiemālie lahi fau!”
Ko e Lami ʻa e ʻOtuá
Vakai, Sione 1:29.
“Ko e Lami ʻa e ʻOtuá ʻOkú Ne ʻafioʻi kakato mo haohaoa kitautolu.”
Akonaki
Vakai, ʻĪsaia 9:6
“ʻOku ʻilo ʻe he kau akonakí hotau ngaahi faingataʻaʻiá. ʻOku nau tokoni atu ke ikunaʻi kinautolu.”
Fakaofo
Vakai, ʻĪsaia 9:6
“Ko Ia ʻa e tokotaha ʻoku totonu ke u tanganeʻia mo muimui ki aí.”
Kaumeʻa
“Ko ha mana ia ke te maʻu ha Kaumeʻa faifakamoʻui mo faʻa foaki!!”
“ʻOku ou ʻilo ko hoku Kaumeʻa Ia. ʻOku faingofua ange ai ke te lotu ʻi Hono huafá.”
“Ko e taha ʻo e ngaahi fakaʻuhinga ʻo e kaumeʻá ko e ʻtaha ʻoku ʻi he tafaʻaki tatau,’ pea ʻoku ou fiefia ai!”