“Maama Kilisimasí,” Ki Hono Fakamālohia ʻo e To‘utupú, Tīsema 2022.
Maama Kilisimasí
ʻOku tokoni ʻetau fakafiefiaʻi e Kilisimasí ke fakamanatu mai ko Sīsū Kalaisi ʻa ʻetau Maama moʻoní.
Ngaahi tā fakatātā ʻa Christopher Thornock
Ko ha Maama ke Tataki
ʻOku ʻi fē ia ʻa ia kuo ʻaloʻi ko e Tuʻi ʻo e kakai Siú? he kuo mau mamata ʻi he hahaké ki hono fetuʻú, pea kuo mau omi ke hū kiate ia. …
… Pea vakai ko e fetuʻu ne nau mamata ai ʻi he potu hahaké, naʻe ʻalu muʻomuʻa ʻiate kinautolu, ʻo aʻu ki he potu naʻe ʻi ai ʻa e tamasiʻí pea tuʻu mei ai ʻi ʻolunga.
Pea ʻi heʻenau mamata ki he fetuʻú, naʻa nau fiefia ʻi he fiefia lahi ʻaupito.
Ko au … ko e fetuʻu ngingila mo pongipongí.
Ko ha Maama ʻi he Fakapoʻulí
Ko e kakai ʻa ia naʻe ʻaʻeva ʻi he poʻulí kuo nau mamata ki he maama lahi: ʻa kinautolu ʻoku nofo ʻi he fonua ʻo e malumalu ʻo e maté, kuo ulo kiate kinautolu ʻa e māmá. …
He kuo fanauʻi kiate kitautolu ha tama, kuo foaki kiate kitautolu ha foha.
Naʻe ʻiate ia ʻa e moʻuí; pea ko e moʻuí ko e maama ia ʻo e tangatá.
Pea ʻoku ulo ʻa e māmá ʻi he fakapoʻulí; pea ʻoku ʻikai ʻiloʻi ia ʻe he fakapoʻulí. …
ʻA ia ko e maama moʻoní, ʻa ia ʻoku fakamāmaʻi ʻa e tangata kotoa pē ʻoku haʻu ki he māmaní.
Ko Ha Maama ki he Māmaní
“Naʻe tuʻu mai kiate kinautolu ʻa e ʻāngelo ʻa e ʻEikí, pea malama ʻa e nāunau ʻo e ʻEikí ʻo takatakai ʻa kinautolu: pea naʻa nau manavahē ʻaupito.
Pea pehē ʻe he ʻāngeló kiate kinautolu, ʻOua ʻe manavahē: vakai, he ʻoku ou ʻomi kiate kimoutolu ʻa e ongoongolelei ʻo e fiefia lahi, ʻa ia ʻe hoko ki he kakai fulipē.
ʻI he ʻaho ní kuo ʻaloʻi kiate kimoutolu he kolo ʻo Tēvitá, ha Fakamoʻui ko Kalaisi ko e ʻEikí.
Ko au ko e maama ʻo māmaní: ko ia ʻoku muimui ʻiate aú, ʻe ʻikai ʻalu ia ʻi he poʻulí, ka ʻe ʻiate ia ʻa e maama ʻo e moʻuí.