“ʻOua ʻe Toe Tatali! “Hoko ʻo Hangē ko e Kau Tauhi Sipí,” Ki Hono Fakamālohia ʻo e Toʻutupú, Tīsema 2022.
Haʻu, ʻo Muimui ʻIate Au
ʻOua ʻe Toe Tatali! Hoko ʻo Hangē ko e Kau Tauhi Sipí
ʻI ha pō longonoa he ngaahi taʻu lahi kuohilí, naʻe siofi faivelenga ʻe he kau tauhisipí ʻenau tākangá.
Naʻe ʻi ai ha ngāue mahuʻinga ʻa e kau tauhisipí. Naʻe fiemaʻu ʻe he fanga sipí ha meʻakai, vai, mo ha maluʻi mei he fakatuʻutāmakí.
Fakafokifā, kuo hā ange ha ʻāngelo!
“ʻOua ʻe manavahē: vakai, he ʻoku ou ʻomi kiate kimoutolu ʻa e ongoongo lelei ʻo e fiefia lahi. … He kuo ʻaloʻi kiate kimoutolu ʻi he ʻahó ni … [ha] Fakamoʻui, ʻa ia ko Kalaisi ko e ʻEikí.”
Naʻe fakahā ʻe he ʻāngeló ki he kau tauhisipí te nau ʻilo ʻa e pēpeé kuo takatakai ʻaki ia ha kofu, pea tokoto ʻi ha ʻaiʻangakai ʻo e manú ʻi Pētelihema.
Naʻe fakafonu ʻe ha kuaea ʻa e langí pea kau fakataha mo e ʻāngeló ʻi he fakafetaʻi ki he ʻOtuá.
“Fakafetaʻi ki he ʻOtua ʻi ʻolungá, pea ʻi māmani ʻa e melinó, ko e ʻofa ki he kakaí.”
“Tau ō ki Pētelihema ʻo vakai ki he meʻa kuo fakahā mai ʻe he ʻEikí kiate kitautolú.”
Naʻe ʻikai toe tatali e kau tauhi sipí. Naʻe mātuʻaki mahuʻinga ʻeni! Ne nau “[ō] fakavave” ki Pētelihema.
Naʻe ʻilo ʻe he kau tauhisipí kuo takatakai ʻa Sīsū ʻaki ha kofu, pea tokoto ʻi he ʻaiʻangakai ʻo e manú, ʻo hangē ko e lea ʻa e ʻāngeló.
Ko e Mīsaia ʻeni naʻe talaʻofa mai ʻa ia ʻe hoko ko e Fakamoʻui mo e Huhuʻi ʻo e māmaní pea ʻomi kiate kitautolu ʻa e fiefia moʻoní!
Naʻe fuʻu fiefia ʻa e kau tauhisipí! Ne nau vahevahe e meʻa ne nau fanongo mo mamata ki aí.
“Kuo ʻaloʻi ʻa e Fakamoʻui ʻo māmaní!”
“Kuo faifai pea hāʻele mai ʻa e Mīsaiá!”
Naʻe “omi fakavave” e kau tauhisipí kia Sīsū. Te ke lava foki mo koe!
Te ke lava ʻo ako meiate Ia.
Te ke lava ʻo tauhi kiate Ia ʻaki hoʻo tokoni ki he niʻihi kehé.
Te ke lava ʻo fakamoʻoni kiate Ia.