“Ikonektar,” Alang sa Kalig-on sa mga Kabatan-onan, Ene. 2023.
Ikonektar
Tojonirina R.
17, Madagascar
Litrato pinaagi ni Valisoa Rakoto
Ako si Tojonirina taga Antananarivo, Madagascar. Ganahan kong maminaw sa musika nga makaparelaks, magbasa og mga libro, ug magdula og basketball ug soccer.
Sa dihang nag-edad ko og utso, mipili ko nga mabunyagan. Samtang giunlod ko sa tubig, mibati ko og lahi nga kalipay nga miabot gikan sa Espiritu. Wala madugay human sa akong bunyag, ang akong mama namatay. Mibati ko og kaguol, kahiubos, ug kapungot. Walay bata nga angayng mahibalo kon unsay pamati nga mawad-an og inahan.
Hinoon, tulo ka tuig ang milabay miadto kami sa templo ug naselyo isip usa ka pamilya. Ang espesyal nga pagbati sa Espiritu mibalik nianang adlawa, ug akong gibati nga ang akong mama anaa sa akong tupad diha sa templo. Ako adunay hugot nga pagtuo nga ako makakita kaniya pag-usab ugma damlag.
Kanunay ko nga maningkamot sa paghinumdom unsa ang akong bibati sa templo. Akong gipabilin ang Espiritu kanako pinaagi sa pagbasa sa mga kasulatan ug pagtuon kabahin sa mga panalangin sa templo. Kon ang kalibotanong mga mensahe mosulay sa paglibog kanako, akong tun-an ang mga kasulatan ug mosalig sa mga pulong sa mga propeta. Sila nag-awhag kanako ug naglig-on sa akong hugot nga pagtuo.