“Akong Paboritong … Dapit sa Pagpamalandong” Alang sa Kalig-on sa mga Kabatan-onan, Ene. 2023.
Akong Paboritong …
Dapit sa Pagpamalandong
Aduna ba moy usa ka paboritong luna diin ganahan mo nga makapamalandong?
Kon kamo mamalandong, makabaton mo og dugang panglantaw sa kahangtoran. Makatabang usab kini kaninyo sa pagpalambo sa inyong kahimsog sa pangisip pinaagi sa paghapsay sa inyong hunahuna gikan sa kalibog ug kaugtas nga naggikan sa mga tintasyon ug mga pagbalda diha sa inadlaw-adlaw nga kinabuhi. Ang uban nga mga tawo gani adunay espesyal nga dapit diin sila gustong makapamalandong. Susiha ang pipila niining mga luna nga kapamalandongan nga gipaambit sa uban nga kabatan-onan!
Pamalandong: Ang pagpamalandong nagpasabot sa pagbukas sa inyong hunahuna ug kasingkasing ngadto sa mga pag-aghat sa Espiritu Santo samtang kamo nagtuon ug naghunahuna kabahin sa ebanghelyo. Ang tininuod nga pagpamalandong, nga mahimong mahitabo sa bisan asang dapit, nagkinahanglan nga kamo mobutang og pipila ka espirituhanong buhat samtang kamo magtinguha og pagpadayag.
Mikawas gikan sa Tubig
Ang akong paboritong luna sa pagpamalandong mao ang bisan asa nga katubigan, sama sa linao o sa dagat. Niining litrato diha ko sa baroto sa akong lolo. Ganahan ko didto tungod kay akong bation nga duol ako sa Espiritu, ilabi na sa pagsubang o pagsalop sa adlaw. Ako may kalagmitan nga makadawat og pagdasig ug makahunahuna sa tanan nakong labing maayo nga mga idea didto.
Macey M., 16, Texas, USA
Pangita og Higayon nga Mag-inusara
Ang labing maayong dapit sa pagpamalandong alang nako mao kon ako nag-inusara. Ako mamalandong sa tanang higayon, diha sa banyo o diha sa hilom nga dapit sama sa panimalay atol sa akong pagtuon sa kasulatan. Magsakay ko sa bisikleta, ug ako usahay maminaw sa Dali, Sunod Kanako nga podcast. Akong hatagan ang akong kaugalingon og panahon nga mag-inusara aron makalingkod diha sa matahom nga kinaiyahan ug mamalandong usab didto.
Grant R., 14, Texas, USA