Mga Dapit gikan sa mga Kasulatan

Ang Suba sa Jordan

Unsay nahitabo dinhi, ug unsay atong makat-onan gikan niini?

Asa Kini?

Suba sa Jordan

Mapa gikan sa Getty Images

Ang tinubdan niini anaa sa Bukid sa Hermon didto sa amihanan.

Modagayday kini sa habagatan ngadto Dagat sa Galilea—ug mogawas pag-usab.

Kini motapos sa pagdagayday ngadto sa Patay nga Dagat.

Sa kasagaran sa katas-on niini, ubos kini sa lebel sa dagat.

Kini mao ang labing importanteng suba niini nga rehiyon.

Unsay Nahitabo Dinhi?

Si Josue migiya sa mga anak sa Israel tabok sa Suba sa Jordan diha sa uga nga yuta aron sa pagsulod sa gisaad nga yuta (tan-awa sa Josue 3–4).

Si Juan Bautista nga nagbunyag ni Jesus

Si Jesukristo nabunyagan diha sa Suba sa Jordan pinaagi ni Juan Bautista (tan-awa sa Mateo 3).

Nahibalo Ba Kamo?

Ang ngalan nga Jesus mao ang Griyego nga pulong sa ngalan nga Josue. Ug ang mga panghitabo didto sa Suba sa Jordan usa ka koneksiyon tali ni Jesukristo ug sa propeta sa Daan Tugon nga si Josue.

Josue	Jesukristo
Miabot human kang Moises.	Miabot aron sa pagtuman sa balaod ni Moises.
Migiya sa mga anak sa Israel ngadto sa gisaad nga yuta.	Mipakita kanato sa agianan sa pagsulod sa celestial nga gingharian.
Mitabok sa Suba sa Jordan diha sa uga nga yuta.	Miadto sa Suba sa Jordan ug nabunyagan.
Gipatunob ang mga pari nga nagkarga sa arka sa pakigsaad ngadto sa suba aron sa pagbahin sa mga tubig.	Gibunyagan ni Juan Bautista, kinsa adunay awtoridad sa pagkapari. Kini mipakita kanato sa unang lakang sa pagsulod sa pagpakigsaad sa Dios.