Ang Hagit sa Tsa

Usa ka adlaw sa tingtugnaw, naglakaw ko sa nataran sa eskwelahan uban sa akong mga higala nga sila si Alice ug Trevor sa dihang nakahinagbo namo ang usa ka pahibalo nga mabasa: “Nagbaligya og tsa.” Naghinamhinam, si Trevor mitanyag nga matag usa namo iyang palitan og tsa. “Dili ko, salamat,” miingon ko.

Si Trevor modalit nako og tsa sa matag adlaw, ug mipadayon ko sa pagbalibad. Sa kataposan, nangutana siya nako kon nganong dili ko moinom sa tsa. Gisultihan nako siya kabahin sa Pulong sa Kaalam sa panghinaot nga siya makasabot. Apan iya lang kining gihimo nga dakong kataw-anan. Naningkamot siya nga akong malapas ang Pulong sa Kaalam.

“Dili man gud ni parehas nga nagdrugas ka,” miingon siya. “Ang usa ka tasa nga tsa dili makadaot!”

Pagkasunod semana, siya ug ang iyang mga higala misugod sa pagpanungog nako nga mas grabe pa. Naningkamot ko nga magmapagarbohon, bisan og dili kadto sayon.

Paglabay sa panahon, mibati sila og dili maayo sa ilang mga gibuhat ug mihunong sa pagsungog nako. Usa ka adlaw, ang akong magtutudlo misulti nako nga: “Ikaw kanunayng nahimong ehemplo sa imong pagtuo ug relihiyon. Mapasigarbuhon ko nimo.”

Mapasigarbuhon usab ako sa akong kaugalingon. Dili gayod kadto kanunayng sayon, apan ako nasayod nga mapanalanginan ko tungod sa pagbarog sa akong mga sumbanan.

Nicolé M., West Midlands, United Kingdom