“Semati,” Me iSakisaki ni iTabagone, Janu 2023.
Semati
Tojonirina R.
17, Madagascar
iTaba mai vei Valisoa Rakoto
Na yacaqu o Tojonirina mai Antananarivo, Madagascar. Au taleitaka na vakarorogo ki na sereivakatagi malumu, wili ivola, kei na qito basketball kei na soka.
Niu se yabaki walu, au a digitaka meu papitaiso. Niu tabadromuci e wai, au vakila e dua na marau duatani ka lako mai vua na Yalotabu. Ni oti ga vakalailai na noqu papitaiso, sa mai takali o tinaqu. Au vakila na rarawa, lomabibi, kei na cudru. E sega ni dodonu me dua na gone e kila se vaka cava tu na vakilai ni yali o tinana.
Ia, ni oti e tolu na yabaki keirau a lako ki na valetabu ka vauci vakamatavuvale. Na vakilai ni Yalo e a lesu tale mai ena siga o ya, kau vakila ni a tiko e yasaqu o tinaqu e valetabu. Au vakabauta niu na raici koya tale ena dua na siga.
Au segata meu dau nanuma tikoga na veika au a vakila ena valetabu. Au dau maroroya na Yalotabu ena noqu wilika na ivolanikalou ka vulica na veivakalougatataki ni valetabu. Ni sa sagai au na itukutuku vakavuravura me vakasevai au, au vulica na ivolanikalou ka nuitaka na nodra vosa na parofita. Era vakayaloqaqataki au ka vaqaqacotaka na noqu vakabauta.