Veivanua mai na iVolanikalou

Na Uciwai na Joritani

Na cava a yaco eke, kei na cava eda rawa ni vulica mai kina?

E tiko evei?

Mape mai na Getty Images

Na kena ivurevure e tiko ena Ulunivanua ko Erimoni ena vualiku.

E drodro vaka ki na ceva ki na Wasawasa o Kalili—ka drodro sara yani.

E laki cava ni drodro yani ki na Waitui Mate.

E vuqa na tolo ni uciwai, e tiko e ra mai na ivakatagedegede ni wasawasa.

Oqo na uciwai bibi duadua ena yasana oqo.

Na Cava a Yaco Eke?

Ko Josua e a liutaki ira na luvei Isireli mera kosova na Uciwai na Joritani ena qele mamaca me ra curu yani ki na vanua yalataki (raica na Josua 3–4).

O Jisu Karisito a papitaisotaki ena Uciwai na Joritani mai vei Joni na Dauveipapitaisotaki (raica na Maciu 3).

O Kila Beka Li?

Na yaca Jisu sai koya nai vakadewa va-Kirisi ni yaca na Josua. Kei na veika a yaco ena Uciwai na Joritani e semati rau o Jisu Karisito kei Josua na parofita ni Veiyalayalati Makawa.

Josua	Jisu Karisito
E a taravi Mosese mai.	Lako mai me mai vakayacora na lawa i Mosese.
Tuberi ira na luvei Isireli ki na vanua yalataki.	Vakaraitaka vei keda na sala meda curu kina ki na matanitu vakasilesitieli.
Kosova na Uciwai na Joritani ena qele mamaca.	Lako sobu ki na Uciwai na Joritani ka papitaiso kina.
Era a colata kina na bete na kato ni veiyalayalati ki na uciwai me wasei kina na wai.	A papitaisotaki mai vei Joni na Dauveipapitaisotaki, ka tu vua na lewa ni matabete. Oqo e vakaraitaka vei keda na imatai ni kalawa me da caka veiyalayalati kina kei na Kalou.