Na Bolebole ni Gunu Ti

Ena dua na siga ni vulaibatabata, au a taubale tiko kei rau na noqu itokani o Alice kei Trevor e rara ni koronivuli ka keitou raica e dua na ivakatakilakila ka volai toka kina: “Bilo ti sa vakarautaki tu oqo” Ena marau, a lomasoli o Trevor me volia na meitou ti. “Sega, vinaka vakalevu,” au a sauma yani.

E dau solia tiko vei au o Trevor na ti e veisiga, kau dau vakasuka tikoga. Kena itinitini, a tarogi au se cava au sega ni via gunuva kina na ti. Au a tukuna vua me baleta na Vosa ni Vuku, ka nuitaka ni na matata vua. Ia a vukica ga o koya me ka ni veiwali. A saga o koya meu voroka na Vosa ni Vuku.

“E sega ni vaka o vakayagataka tiko na waigaga,” a kaya o koya. “E dua ga na bilo ti e sega ni ca!”

Ena macawa ka tarava, o koya kei ira nona itokani era sa tekivu me vakanini au vaka ca sara. Au a tovolea meu kakua ni madua kina, dina ga ni a sega ni rawarawa.

Ni toso na gauna, era a vakila na cala ni nodra ivalavala ka muduka nodra vakanini au. Dua na siga, a kaya vei au na noqu qasenivuli: “O sa dau ivakaraitaki vinaka tu ga ni nomu vakabauta kei na lotu. Au cibitaki iko.”

Au cibitaki au vakai au tale ga. E sega ni dau rawarawa, ia au kila niu na vakalougatataki niu tutaka na noqu ivakatagedegede.

Nicolé M., West Midlands, United Kingdom