Tara ena Vanua Tudei

iVakatakilakila

e dua na goneyalewa kei na osivaivo ni suisui

Droini mai vei Emily Jones

Au sarava, ena veilecayaki, ni keitou vakasuasuataka kei na noqu matavuvale na yavu simede ni neitou vale. Au a vaka na lialia. O cei beka e sa bau rogoca ni dau vakasuasuataki e dua na vale? Ni keitou toki ki Texas, Amerika, a vakamacalataka o koya ka tiko tikivi keitou ni vanua o ya e gadrevi me keitou na vakasuasuataka na yavu ni neitou vale me kakua kina ni lutu sobu ka kakaca. Au mani vakasuasuataka na vale, dina ga niu vakila na ca ni uluqu niu cakava tiko.

A veivuke na wai ena dua na gauna, ia e muri, sa tekivu me kakaca na neitou vale. Keitou qai kila ni sega ni tara tu na neitou vale ena vanua kaukauwa. E a tara toka ena dua na ibenubenu, ka vakavuna me lutu sobu na neitou vale ni tekivu me vuca na benu era bulu tu e ra. Keitou vakasuasuataka na yavu, ia na neitou vale e kakaca tikoga. Keitou sa mani toki tani.

Na veika au sotava oqo e vakananuma vei au na bibi ni kena tarai cake na noqu yavu vakayalo ena qele kaukauwa ni kosipeli i Jisu Karisito. Ena so na gauna au dau sega ni vakila kina e dua na veivakadeitaki kaukauwa me baleta na kosipeli. Ena noqu digitaka meu vakadinata, au sa “vakasuasuataka kina na yavu” ni noqu vakabauta me yacova niu sa rawa ni tara cake e dua na ivakadinadina ena qele kaukauwa ni kosipeli. Ena noqu digitaka meu bulataka na kosipeli i Jisu Karisito, au sa tara cake kina e dua na yavu kaukauwa ka na sega ni kakaca.

Ann J., Maryland, Amerika