Ko e Pole ʻo e Tií

ʻI ha ʻaho ʻe taha he faʻahitaʻu momokó, naʻá ku luelue ai mo hoku ongo kaungāmeʻa ko ʻĀlisi mo Taleva ʻi homau ʻapiakó ʻo aʻu atu ki ha fakaʻilonga naʻe pehē: “ʻOku Lava ke maʻu he taimí ni ha ngaahi ipu tī.” Naʻe loto vēkeveke ʻa Taleva ke ne fakatau mai haʻamau ipu tī. Ne u tali ange, “ʻIkai, mālō.”

Ko e ʻaho kotoa pē, naʻe feinga ʻa Taleva ke ʻomi ha tī pea naʻe hokohoko atu pē ʻa ʻeku fakafisingaʻí. Fāifai, peá ne ʻeke mai pe ko e hā ʻoku ʻikai ke u inu tī aí. Naʻá ku fakamatalaʻi ange ki ai fekauʻaki mo e Lea ʻo e Potó, mo ʻamanaki ʻe mahino ki ai. Ka naʻá ne fakakataʻaki ia. Naʻá ne feinga ke ʻai au ke u maumauʻi e Lea ʻo e Potó.

Naʻá ne pehē, “ʻOku ʻikai hangē ia ʻokú ke fakaʻaongaʻi e faitoʻo konatapú.” “ʻOku ʻikai fakatuʻutāmaki ha ipu tī ia!”

ʻI he uike hono hokó, naʻe kamata ke toe kovi ange ʻene fakamataliliʻi au mo hono ngaahi kaungāmeʻá. Naʻá ku feinga ke tukunoaʻi ia, neongo naʻe ʻikai faingofua.

ʻI he ʻalu ʻa e taimí, naʻa nau ongoʻi taʻe-fiemālie ʻi heʻenau ngaahi tōʻongá pea tuku ʻenau fakamataliliʻi aú. Naʻe talamai ʻe heʻeku faiakó ʻi ha ʻaho ʻe taha: “Kuó ke hoko maʻu pē ko ha faʻifaʻitakiʻanga ʻo hoʻo tuí mo e tui fakalotú. ʻOku ou laukau ʻaki koe.”

ʻOku ou laukau ʻaki foki au. ʻOku ʻikai ke faingofua maʻu pē, ka ʻoku ou ʻilo ʻe tāpuekina au ʻi heʻeku taukaveʻi ʻeku ngaahi tuʻunga moʻuí.

Nīkola M., Mitileni Hihifo, Pilitānia