Ngaahi feituʻu mei he Folofolá

Ko e Vaitafe Soataní

Ko e hā naʻe hoko hení, pea ko e hā te tau lava ʻo ako mei aí?

ʻOku Tuʻu Ia ʻI Fē?

Vaitafe Soataní

Mapé mei he Getty Images

Ko hono tupuʻangá ʻoku ʻi he Moʻunga Heamoní ʻi he fakatokelaú.

ʻOku tafe faka-tonga ia ki he Tahi Kālelí—pea toe tafe atu ai ki tuʻa.

ʻOku ngata ia ʻi heʻene tafe atu ki he Tahi Maté.

Ko e lahi taha ʻo hono lōloá, ʻoku ʻi lalo ia ʻi he lēvolo ʻo e tahí.

Ko e vaitafe mahuʻinga taha ia ʻi he vahefonua ko ʻení.

Ko e hā Naʻe Hoko Hení?

Naʻe taki ʻeSiosiua e fānau ʻo ʻIsilelí ʻi he Vaitafe Soataní ʻi he kelekele mōmoá ke nau hū ki he fonua ʻo e talaʻofá (vakai, Sōsiua 3–4).

Ko Hono Papitaiso ʻe Sione Papitaiso ʻa Sīsū Kalaisí

Naʻe papitaiso ʻe Sione Papitaiso ʻaSīsū Kalaisi ʻi he Vaitafe Soataní (vakai, Mātiu 3).

Naʻá ke ʻIloʻi Koā?

Ko e huafa Sīsuú ko e hingoa faka-Kalisi ia ʻo e hingoa Sōsiuá. Pea ko e ngaahi meʻa naʻe hoko ʻi he Vaitafe Soataní ko ha fehokotakiʻanga ia ʻo Sīsū Kalaisi mo e palōfita ko Sōsiua ʻo e Fuakava Motuʻá.

Sōsiua	Sīsū Kalaisi
Ne haʻu ia hili ʻa Mōsese.	Naʻe hoko mai ke fakakakato ʻa e fono ʻa Mōsesé.
Tataki e fānau ʻa ʻIsilelí ki he fonua ʻo e talaʻofá.	Fakahā mai e founga ke tau hū ai ki he puleʻanga fakasilesitialé.
Kolosi ʻi he Vaitafe Soataní ʻi he kelekele mōmoá.	Naʻá ne ʻalu ki he Vaitafe Soataní pea papitaiso ai.
Naʻá ne ʻai ke fata ʻe he kau taulaʻeikí ʻa e puha ʻo e fuakavá ki he loto vaitafé ke mavaeua ʻa e vaí.	Naʻe papitaiso ʻe Sione Papitaiso, ʻa ia naʻá ne maʻu e mafai ʻo e lakanga fakataulaʻeikí. ʻOku fakahaaʻi mai heni kiate kitautolu ʻa e ʻuluaki sitepu ki hono fakahoko ʻo e ngaahi fuakava mo e ʻOtuá.