ʻAi Hangatonu

Ko hai ʻa e Kau Tangata Potó?

ʻOku talamai ʻe he folofolá ko e “kau tangata potó [naʻa nau haʻu] mei he hahaké” (Mātiu 2:1) ke fekumi ki he Fakamoʻuí. Ko e foʻi lea kau tangata potó ʻoku haʻu ia mei he foʻi lea faka-Peasia, magi. Neongo ʻoku ʻikai ke talamai ko hai tonu e kau tangatá ni, ka ʻoku ʻi ai ha ngaahi meʻa te tau lava ke pehē ʻoku tau ʻilo fekauʻaki mo kinautolu mei he meʻa ʻoku talamai kiate kitautolú.

ʻOku pehē ʻe he kakaí naʻe ʻi ai ha kau Tangata Poto ʻe toko tolu koeʻuhí he naʻa nau ʻomi ha ngaahi meʻaʻofa ʻe tolu. Ka ʻoku ʻikai mahino mei he folofolá pe naʻe toko fiha ʻa e Kau Tangata Potó. ʻOku mahino foki kiate kitautolu naʻa nau ʻaʻahi kia Sīsū ʻi heʻene kei siʻí kae ʻikai ko ʻEne kei pēpeé (vakai, Mātiu 2:11).

Naʻe mahino naʻe angatonu ʻa e Kau Tangata Potó pea nau ʻiloʻi e niʻihi ʻo e ngaahi kikite fekauʻaki mo hono ʻaloʻi ʻo e Mīsaiá. Mahalo pē naʻa nau haʻu mei ha vaʻa ʻo e kakai ʻa e ʻEikí. Naʻa nau fekumi faivelenga ki he ʻAlo ʻo e ʻOtuá pea naʻe tataki kinautolu ʻe he Laumālié kiate Ia . Naʻa nau ʻomi kiate Ia ha ngaahi meʻaʻofa pea nau toe foki ʻo fakamoʻoni ki honau kakaí ki Hono ʻaloʻí . Naʻe toe fakatokanga foki kiate kinautolu ʻi ha misi ke ʻoua te nau tala kia Hēlota ʻa e feituʻu naʻe ʻi ai ʻa e kiʻi tamasiʻí.

ʻE lava ke hoko ʻenau faivelengá mo e vilitakí ko ha sīpinga fakalaumālie kiate kitautolu ʻi heʻetau ngaahi fononga fakatāutaha ke ʻunu ke ofi ange ki he Fakamoʻuí.