Vendet nga Shkrimet e Shenjta

Lumi Jordan

Çfarë ndodhi këtu dhe çfarë mund të mësojmë prej kësaj?

Ku Ndodhet?

Hartë nga Getty Images

Burimi i tij është në malin Hermon në veri.

Ai rrjedh drejt jugut për në detin e Galilesë – dhe del përsëri.

Ai përfundon duke rrjedhur në Detin e Vdekur.

Në shumicën e gjatësisë së tij, është nën nivelin e detit.

Është lumi më i rëndësishëm në atë rajon.

Çfarë Ndodhi Këtu?

Jozueu i udhëhoqi fëmijët e Izraelit përmes lumit Jordan në tokë të thatë për të hyrë në tokën e premtuar (shih Jozueut 3–4).

Jezu Krishti u pagëzua në lumin Jordan nga Gjon Pagëzori (shih Mateu 3).

A e Dije?

Emri Jezus është forma greke e emrit Jozue. Ngjarjet në lumin Jordan janë një lidhje ndërmjet Jezu Krishtit dhe profetit Jozue të Dhiatës së Vjetër.

Jozueu	Jezu Krishti
Erdhi pas Moisiut.	Erdhi të përmbushte ligjin e Moisiut.
I udhëhoqi fëmijët e Izraelit për në tokën e premtuar.	Na tregoi udhën për të hyrë në mbretërinë çelestiale.
E kaloi lumin Jordan në tokë të thatë.	Hyri në lumin Jordan dhe u pagëzua.
Urdhëroi priftërinjtë që mbartnin arkën e besëlidhjes, të ecnin në lumë për ta ndarë ujin.	U pagëzua nga Gjon Pagëzori, i cili kishte autoritetin e priftërisë. Kjo na tregoi hapin e parë të hyrjes në besëlidhje me Perëndinë.