Mga Lugar mula sa mga Banal na Kasulatan

Ang Ilog Jordan

Ano ang nangyari dito, at ano ang matututuhan natin mula rito?

Nasaan ito?

Mapa mula sa Getty Images

Ang pinagmumulan nito ay nasa Bundok ng Hermon sa hilaga.

Dumadaloy ito patimog patungo sa Dagat ng Galilea—at muling lumalabas.

Nagtatapos ito sa pagdaloy sa Dead Sea.

Sa halos buong kahabaan nito, mas mababa ito sa lebel ng dagat.

Ito ang pinakamahalagang ilog sa rehiyong ito.

Ano ang Nangyari Dito?

Pinamunuan ni Josue ang mga anak ni Israel patawid ng Ilog Jordan sa tuyong lupa para makapasok sa lupang pangako (tingnan sa Josue 3–4).

Si Jesucristo ay bininyagan ni Juan Bautista sa Ilog Jordan (tingnan sa Mateo 3).

Alam Ba Ninyo?

Ang pangalang Jesus ang salitang Griyego ng pangalang Josue. At ang mga nangyari sa Ilog Jordan ay isang koneksyon sa pagitan ni Jesucristo at ng propetang si Josue sa Lumang Tipan.

Josue	Jesucristo
Sumunod kay Moises.	Naparito para tuparin ang batas ni Moises.
Inakay ang mga anak ni Israel patungo sa lupang pangako.	Ipinakita sa atin ang daan para makapasok sa kahariang selestiyal.
Tinawid ang Ilog Jordan sa tuyong lupa.	Nagpunta sa Ilog Jordan at nabinyagan.
Pinatapak sa ilog ang mga saserdoteng bumubuhat sa kaban ng tipan para mahati ang katubigan.	Bininyagan ni Juan Bautista, na may awtoridad ng priesthood. Ipinakita nito sa atin ang unang hakbang sa pakikipagtipan sa Diyos.