Mga Lugar mula sa mga Banal na Kasulatan

Cesarea Filipos

Alamin ang tungkol sa lugar kung saan nagtanong ang Tagapagligtas, “Ano ang sinasabi ninyo kung sino ako?”

Cesarea Filipos

Nasaan Iyon?

mapa

Nasa paanan iyon ng Bundok Hermon sa hilagang Israel.

Ano ang Naroon?

Cesarea Filipos

Sa sinaunang lungsod na ito naroon ang isang bukal na dumadaloy palabas ng Bundok Hermon.

Ang bukal na ito ay isa sa mga headwater (o pinagmumulan) ng Ilog Jordan.

Ano ang Nangyari Dito?

Nang itanong ni Jesus sa Kanyang mga disipulo: “Ano ang sinasabi ninyo kung sino ako?”

Pedro: “Ikaw ang Cristo, ang Anak ng Diyos na buhay.”

Jesus: “Mapalad ka, … sapagkat hindi laman at dugo ang nagpahayag nito sa iyo kundi ang aking Ama na nasa langit. …

“Ikaw ay Pedro, at sa ibabaw ng batong ito ay itatayo ko ang aking iglesya; at ang mga pintuan ng Hades ay hindi magwawagi laban sa kanya.

“Ibibigay ko sa iyo ang mga susi ng kaharian ng langit, at anumang iyong talian sa lupa ay tatalian sa langit; at anumang iyong kalagan sa lupa ay kakalagan sa langit.” (Mateo 16:13–19.)

si Jesucristo kasama ang mga disipulo

Alam Ba Ninyo?

Ang tagpo para sa kaganapang ito sa mga banal na kasulatan ay kapwa maganda at may aral:

• Noong panahon ng Biblia, ang bukal sa Cesarea Filipos ay tila biglang lumabas mula sa bundok, na dumadaloy palabas ng isang kuweba.

• Sinabi ni Jesucristo na mabibigyan Niya tayo ng “tubig na buhay,” na “isang bukal ng tubig tungo sa buhay na walang hanggan” (Juan 4:11, 14).

• Si Jesucristo ang “[pinagmumulan ng] kapatawaran ng [ating] mga kasalanan” (2 Nephi 25:26).

• Si Jesucristo ang pinagmumulan ng lahat ng awtoridad ng priesthood at mga susi ng priesthood sa lupa (tingnan sa Doktrina at mga Tipan 107:2–4).

• Ang paghahayag mula sa Diyos ay isang dalisay na pinagmumulan ng patotoo tungkol kay Jesucristo.