“Sundin si Jesucristo at Gawin ang Pinakamahalaga,” Para sa Lakas ng mga Kabataan, Abr. 2023.
Pumarito Ka, Sumunod Ka sa Akin
Sundin si Jesucristo at Gawin ang Pinakamahalaga
Inaanyayahan tayo ni Jesucristo na sumunod sa Kanya at sundin ang Kanyang mga utos.
Kung minsa’y nangangahulugan ito ng pagtalikod sa mga bagay na gusto natin at nakakasiya sa atin.
Para sa isang bagay na mas mainam!
Binabanggit sa Biblia ang isang mayamang batang pinuno na nagsikap na sundin ang mga utos ng Diyos.
Isang araw, tumakbo siya palapit kay Jesus at nagtanong kung ano pa ang kailangan niyang gawin. Sinabi sa kanya ni Jesus na ipagbili ang lahat ng mayroon siya, ibigay sa mga maralita, at sumunod sa Kanya.
Pinanghinaan-ng-loob ang batang pinuno. Ayaw niyang pakawalan ang magagandang bagay na mayroon siya.
Inaanyayahan tayo ni Jesucristo na magbago, sumunod sa Kanya, at talikuran ang mga bagay na maaaring gusto natin—kahit ang mabubuting bagay—para sa mga bagay na pinakamahalaga.
Kapag nakatuon tayo kay Jesucristo at sinusunod natin ang Kanyang halimbawa at mga turo, magagabayan tayong malaman kung ano ang dapat nating gawin.
Mahal at kilala Niya ang bawat isa sa atin. Alam Niya ang pinakamainam para sa atin.
Ano ang maaari mong talikuran para lalo ka pang makasunod sa Kanya?