Haʻu, ʻo Muimui ʻIate Au

Maʻake 10:17–22

Muimui ʻia Sīsū Kalaisi pea Fai ʻa e Meʻa ʻOku Mahuʻinga Tahá

Fai ʻe Amanda Penrod; tā fakatātaaʻi ʻe Rosalie Ledezma

Sīsū Kalaisi

ʻOku fakaafeʻi kitautolu ʻe Sīsū Kalaisi ke tau muimui kiate Ia mo tauhi ʻEne ngaahi fekaú.

ko ha finemui mo ha telefoni

Ko e taimi ʻe niʻihi ʻoku ʻuhinga ia ke tukuange ʻa e ngaahi meʻa ʻoku tau fiemaʻu mo fiefia aí.

finemui ʻokú ne tuku hifo e telefoní

ko ha finemui mo ʻene tamaí

Ki ha meʻa ʻoku lelei angé!

talavou koloaʻiá

ʻOku talanoa ʻa e Tohi Tapú fekauʻaki mo ha talavou koloaʻia naʻá ne feinga ke tauhi e ngaahi fekau ʻa e ʻOtuá.

ko e ʻalu e talavou koloaʻiá kia Sīsú Kalaisi

ʻI ha ʻaho ʻe taha, naʻá ne lele kia Sīsū ʻo fehuʻi ange pe ko e hā ha toe meʻa naʻe fiemaʻu ke ne fai. Naʻe foloofola ange ʻa Sīsū ke ne fakatau atu e meʻa kotoa pē naʻá ne maʻú, foaki ki he masivá, pea muimui kiate Ia.

ko e mavahe ʻa e talavou koloaʻiá meia Sīsū Kalaisí

Naʻe loto-foʻi e pule kei talavoú. Naʻe ʻikai ke ne loto ke tukuange ʻene ngaahi meʻa leleí.

ko ha finemui mo ʻene tamaí

ʻOku fakaafeʻi kitautolu ʻe Sīsū Kalaisi ke tau liliu, muimui ʻiate Ia, pea tukuange ʻa e ngaahi meʻa te tau ala saiʻia aí—naʻa mo e ngaahi meʻa leleí—maʻá e ngaahi meʻa ʻoku mahuʻinga tahá.

fakatātā ʻo Sīsū Kalaisí, ʻoku ʻasi mei mui ha tamai mo e ʻofefine mei mui

ʻI heʻetau tokanga taha kia Sīsū Kalaisi mo muimui ki Heʻene sīpingá mo e ngaahi akonakí, ʻe lava ke tataki kitautolu ke tau ʻiloʻi ʻa e meʻa ʻoku totonu ke tau faí.

finemui ʻokú ne tuku hifo e telefoní pea hū ki tuʻa

ʻOkú Ne ʻofa mo ʻafioʻi fakafoʻituitui kitautolu. ʻOkú Ne ʻafioʻi e meʻa ʻoku lelei taha kiate kitautolú.

finemui mo ha faʻē ʻokū na tō matalaʻiʻakau

Ko e hā te ke ala tukuange ke ke muimui ofi ange ai kiate Ia?