“Kapau ʻoku ou ʻilo ʻoku faiangahala ha taha, ʻoku totonu nai ke u tala ki heʻenau pīsopé?,” Ki Hono Fakamālohia ʻo e Toʻu Tupú, ʻEpeleli 2023.
ʻAi Hangatonu
Kapau ʻoku ou ʻilo ʻoku faiangahala ha taha, ʻoku totonu nai ke u tala ki heʻenau pīsopé?
Kapau ʻokú ke ʻiloʻi ʻoku fai ʻe ha taha ha meʻa te ne taʻofi kinautolu mei hono toʻo (pe tāpuakiʻi) ʻa e sākalamēnití pe ʻalu ki he temipalé, kimuʻa peá ke tomuʻa fai ha meʻá, te ke lava ʻo ʻuluaki lotu ki he Tamai Hēvaní. Fakapapauʻi ʻoku tataki koe ʻe he ʻofa mo e tokanga ki he tokotaha ko iá kae ʻikai ko ha toe ʻuhinga kehe.1 Te ke lava leva ʻo fili ke talanoa mo e tokotahá pe ko e pīsopé. ʻI hoʻo fai iá, ʻoku totonu ke ke lea ʻofa mo manavaʻofa kae ʻikai tukuakiʻi.
ʻE ʻoange ʻe he talanoa fakataautaha ki he tokotahá ha faingamālie ke nau fili ai ke ʻalu ki heʻenau pīsopé pea kamata fakatomala ʻiate kinautolu pē. Kapau he ʻikai ke nau fanongo, mahalo te ke fie talanoa ki ai mo e pīsopé. ʻOku ʻi ai ha uiuiʻi makehe ʻo e pīsopé ke ne tokangaʻi ʻa e kāingalotu ʻo e uōtí mo tokangaʻi honau tuʻunga lelei fakalaumālié. Koeʻuhí ko hono uiuiʻí, ʻoku ʻi ha tuʻunga makehe ai ʻa e pīsopé ke tokoni.
Ko e hā pē ha meʻa te ke fai, kātaki ʻo manatuʻi ʻoku ʻikai totonu ke ke talanoa ki ha taha kehe fekauʻaki mo ia. ʻE hoko ia ko ha ngutu lau, ʻa ia ʻoku ʻikai tokoni ia ki ha taha.