2023
O Iesu Keriso Lava le Tali
Me 2023


O Iesu Keriso Lava le Tali

O Nai Vaega

Ata
mamanu talātua

Sii mai le mamanu talātua

E tasi le vaiaso mai le asō o le Aso Sa lea o le Eseta. O le faamanatuga faalelotu aupito sili lea ona taua mo soo o Iesu Keriso. O le mafuaaga autu tatou te faamanatu ai le Kerisimasi ona o le Eseta. …

… Ona o Iesu Keriso, ua mafai ai ona tatou salamo ma faamagaloina a tatou agasala. Ona o Ia, o le a toetutu ai i tatou taitoatasi. …

… Ou te aioi atu ia outou o mai ia te Ia ina ia mafai ona Ia faamaloloina outou! O le a Ia faamaloloina oe mai le agasala pe a e salamo. O le a Ia faamaloloina oe mai le faanoanoa ma le fefe. O le a Ia faamaloloina oe mai manu’a o lenei lalolagi.

Po o a lava au fesili po o faafitauli o i ai, e maua lava le tali i le soifuaga ma aoaoga a Iesu Keriso. Aoao atili e uiga i Lana Togiola, Lona alofa, Lona alofa mutimutivale, Lana aoaoga faavae, ma Lana talalelei toefuataiina o le faamalologa ma le alualu i luma. Liliu Atu ia te Ia! Mulimuli ia te Ia!

O Iesu Keriso o le mafuaaga lea tatou te fausia ai malumalu. O ia maota taitasi o Ona maota paia ia. O le osia o feagaiga ma le mauaina o sauniga taua i le malumalu, faapea foi ma le saili e faalatalata atili atu ia te Ia iina, o le a faamanuia ai lou olaga i auala e le mafai ona faia e se isi lava ituaiga o tapuaiga. Mo lenei mafuaaga, o loo matou faia ai mea uma i lo matou malosi e faafaigofie ai ona maua faamanuiaga o le malumalu mo o tatou tagata i le salafa o le lalolagi. …

O’u uso e ma tuafafine pele, ou te molimau atu o Iesu Keriso o loo taitaia mataupu o Lana Ekalesia. Ou te molimau atu o le mulimuli ia te Ia ua na o le pau lea o le ala i le fiafia tumau.

Lolomi