Faapotopotoina Saogalemu i le Aiga
O Fuaitau
E finagalo le Tama o o tatou agaga i Lana fanau ia faapotopotoina saogalemu i le aiga. …
O i latou o e talia le talalelei a Iesu Keriso, tusa lava po o le a le tupuaga, e avea o se vaega o Isaraelu ua faapotopotoina. Faatasi ai ma lena faapotopotoina ma le mau malumalu ua fauina ma faasilasilaina, ua tatou i ai i se tulaga uiga ese e faapotopoto ai Isaraelu i itu uma o le veli e ala i le mulimuli i le fuafuaga a le Tama. …
… Matou te faafetai ona ua faalauteleina e tagata o le ekalesia ma faifeautalai taumafaiga e faapotopoto ai Isaraelu ua faataapeapeina. … Ae ui o lea, o la tatou tautinoga ia alofa, faasoa, ma valaaulia e mafai ona matuai faalauteleina.
O se vaega e tatau ai o lenei taumafaiga faafaifeautalai e mo tagata taitasi o au paia ia avea o ni faataitaiga iloga o le malamalama i soo se mea tatou te nonofo ai. E le mafai ona tatou faaufiufia. O a tatou faataitaiga faapei o Keriso o le agalelei, amiotonu, fiafia, ma le alofa faamaoni mo tagata uma e mafai ona fatuina e le na o se malamalama taiala iloga mo i latou, ae o se malamalama foi o loo i ai se uafu saogalemu i sauniga o le faaolataga ma le faaeaga o le talalelei toefuataiina a Iesu Keriso. …
Tatou te faaaloalogia le faitalia. I lenei lalolagi faaletino, e toatele o le a le tali atu ma auai i le faapotopotoina o Isaraelu. Ae toatele o le a faia, ma ua faamoemoeina e le Alii i latou ua talia Lana talalelei e taumafai vave ia avea o se malamalama iloga o le a fesoasoani lea i isi ia o mai i le Atua. O lea mea o le a mafai ai e o tatou uso ma tuafafine i le lalolagi atoa ona olioli i faamanuiaga faalelagi ma sauniga o le talalelei toefuataiina a Iesu Keriso ma faapotopotoina saogalemu ai i le aiga.