Sauniga o le Taeao o le Aso Sa
Na Tau Ane Lo’u Mafaufau i Lenei Manatu e uiga ia Iesu Keriso
O Nai Vaega
O se tala mata’ina i le Tusi a Mamona o loo faamatala ai e uiga i se alii talavou, mai se aiga lauiloa, na igoa ia Alema, o le o loo faamatala e tusitusiga paia o se tagata le talitonu ifo i tupua. …
I lona faanoanoa loloto, sa ia manatuaina ai le aoaoina o ia e uiga “i le afio mai o se tasi o Iesu Keriso, o se Atalii o le Atua, e togiola mo agasala a le lalolagi” [Alema 36:17]. … A o ia talosagaina le mana paia o le Faaola, sa tupu se mea faavavega. … Sa faafuasei ona ia lagonaina le filemu ma le malamalama. …
Sa “tau ane” Alema i le upumoni o Iesu Keriso. …
… O le faatinoina o le faatuatua i lena upumoni, ma e ala i le mana ma le alofa tunoa o le Atua, sa laveaiina ai o ia mai le faanoanoa ma faatumulia i le faamoemoe.
… O o tatou mafaufau foi “ua tau ane … i lenei manatu” e uiga ia Iesu Keriso ma Lana taulaga alofa mutimutivale, ma ua lagona e o tatou loto le malamalama ma le olioli e sosoo mai ai. …
… O lo tatou alolofa ia te Ia e le taofia ai i tatou mai le faanoanoa ma le faavauvau i lenei olaga faaletino, ae e mafai ai ona tatou savavali atu i luitau ma se malosiaga e sili atu nai lo o tatou lava malosi. …
E ala i le taulai atu o o tatou loto atoa ia Iesu Keriso, o isi mea uma o siomia ai i tatou—e ui ina i ai pea—e vaai atu i ai e ala i lo tatou alofa mo Ia. … A o e faaauau pea ona tau ane ma le gauai atu i lenei manatu o Iesu Keriso, faalagolago ia te Ia, ma tausi Ana poloaiga, ou te folafola atu ia te oe e le gata i le taitaiga faalelagi ae faapea foi i le mana faalelagi—o le mana lea e aumaia le malosi i au feagaiga, filemu i ou faafitauli, ma le olioli i ou faamanuiaga.